Æ, þessir gömlu Óttar Guðmundsson skrifar 18. mars 2017 07:00 Í æskudýrkun samtímans er ellin hinn skilgreindi óvinur. Samkvæmt opinberum tölum verða íslenskar konur allra kvenna elstar og íslenskir karlmenn standa þeim ekki langt að baki. Þessi fjölgun kostar samfélagið gífurlegar fjárhæðir. Heilbrigðiskerfið er að kikna undan langveikum ellilífeyrisþegum. Hægfara gamalt fólk er til stöðugra vandræða í umferðinni. Eldri borgarar kunna ekki nýjustu tækni og skilja ekki samfélagsmiðla. Hrukkur og samfallinn líkami falla engan veginn að líkamsdýrkun nútímans. Sem betur fer er fólk farið að gera sér grein fyrir þessum vandamálum sem stafa af gömlu fólki og takmarkalausri frekju eldri borgara. Þeir sölsa undir sig bestu húsin, bestu lánin, bestu sumarbústaðalóðirnar og bestu rúmin á sjúkrastofum spítalanna. Á samfélagsmiðlunum hafa menn blessunarlega farið að spyrna við fæti. Gamalmenni sem hafa sig í frammi eru réttilega úrskurðuð elliær. En það er ekki nóg. Sennilega væri einfaldast að losa samfélagið við gamalmennin með því að gefa þeim líknandi pillu þegar þau ná eftirlaunaaldri. Með þessu mætti spara ótrúlegar fjárhæðir í heilbrigðiskerfinu. Húsnæðisekla í bæjum og borgum heyrði sögunni til. Erfðamál yrðu auðveldari vegna þess að allt væri hægt að skipuleggja með fyrirvara, jarðarför, sumarfrí og búskipti. Enginn þyrfti að missa af Kanaríeyjaferð til að sitja yfir fársjúku gamalmenni. Ferðamannaiðnaðurinn mundi blómstra enda einungis ungt og fallegt fólk á götunum. Þetta hefði jákvæð áhrif á kaupmátt almennra borgara, athafnafrelsi fólks og hagvöxtinn. Þjóðin losnaði við raus ellismellanna sem er úr öllum takti við nýjustu strauma í samfélaginu. Verðum við ekki að losa þjóðfélagið við gamla fólkið, alvarlegustu ógnunina við velferð og velsæld almennings? Sextíu og sjö ár eru fjandans nóg.Greinin birtist fyrst í Fréttablaðinu. Viltu birta grein á Vísi? Sendu okkur póst. Senda grein Óttar Guðmundsson Mest lesið Engin eftirspurn eftir Viðreisnar- og Samfylkingarmódelinu Andri Steinn Hilmarsson Skoðun Afnám tilfærslu milli skattþrepa Breki Pálsson Skoðun Opið bréf til umhverfis-, orku- og loftslagsráðherra Bogi Ragnarsson Skoðun Tölum íslensku um bíðandi börn: Uppgjöf, svarthol og lögbrot Vigdís Gunnarsdóttir Skoðun Það sem Njáll sagði ykkur ekki Inga Lind Karlsdóttir Skoðun Íslenska þjóð, þú ert núna að gleyma Sighvatur Björgvinsson Skoðun Ég á þetta ég má þetta Arnar Atlason Skoðun Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Íslenskir flóttamenn - í okkar eigin landi Gunnar Magnús Diego Skoðun
Í æskudýrkun samtímans er ellin hinn skilgreindi óvinur. Samkvæmt opinberum tölum verða íslenskar konur allra kvenna elstar og íslenskir karlmenn standa þeim ekki langt að baki. Þessi fjölgun kostar samfélagið gífurlegar fjárhæðir. Heilbrigðiskerfið er að kikna undan langveikum ellilífeyrisþegum. Hægfara gamalt fólk er til stöðugra vandræða í umferðinni. Eldri borgarar kunna ekki nýjustu tækni og skilja ekki samfélagsmiðla. Hrukkur og samfallinn líkami falla engan veginn að líkamsdýrkun nútímans. Sem betur fer er fólk farið að gera sér grein fyrir þessum vandamálum sem stafa af gömlu fólki og takmarkalausri frekju eldri borgara. Þeir sölsa undir sig bestu húsin, bestu lánin, bestu sumarbústaðalóðirnar og bestu rúmin á sjúkrastofum spítalanna. Á samfélagsmiðlunum hafa menn blessunarlega farið að spyrna við fæti. Gamalmenni sem hafa sig í frammi eru réttilega úrskurðuð elliær. En það er ekki nóg. Sennilega væri einfaldast að losa samfélagið við gamalmennin með því að gefa þeim líknandi pillu þegar þau ná eftirlaunaaldri. Með þessu mætti spara ótrúlegar fjárhæðir í heilbrigðiskerfinu. Húsnæðisekla í bæjum og borgum heyrði sögunni til. Erfðamál yrðu auðveldari vegna þess að allt væri hægt að skipuleggja með fyrirvara, jarðarför, sumarfrí og búskipti. Enginn þyrfti að missa af Kanaríeyjaferð til að sitja yfir fársjúku gamalmenni. Ferðamannaiðnaðurinn mundi blómstra enda einungis ungt og fallegt fólk á götunum. Þetta hefði jákvæð áhrif á kaupmátt almennra borgara, athafnafrelsi fólks og hagvöxtinn. Þjóðin losnaði við raus ellismellanna sem er úr öllum takti við nýjustu strauma í samfélaginu. Verðum við ekki að losa þjóðfélagið við gamla fólkið, alvarlegustu ógnunina við velferð og velsæld almennings? Sextíu og sjö ár eru fjandans nóg.Greinin birtist fyrst í Fréttablaðinu.
Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun