Veiðihúsið við Bíldsfell tekið í gegn

Veiðihúsið við Bíldsfell var bæði notalegt og á svo margan hátt kósí en engu að síður var komin tími á að taka húsið í gegn.

Viðbyggingum við húsið hefur verið afskaplega vel tekið enda rúmgóð herbergi með góðum baðherbergjum.  Gamla húsið var í samanburði svolítið lúið þótt notalegt væri og það var því ákveðið af Bíldfellsbændum að taka húsið í gegn.  Það verður að segjast að breytingarnar hafa tekist afskaplega vel og er húsið eins og nýtt.  Eins og sést á myndunum hefur allt verið endurnýjað, bað, hebergi og stofa svo það væsir ekki um neinn sem í þessu húsi dvelur enda hefur allt rými stækkað til muna eftir að herbergjum var fækkað í aðalkofanum með tilkomu svefnkofanna.  Það gat oft verið nokkuð þröngt á þingi fyrir þessar þrjár stangir sem veiða á svæðinu þegar fullmannað var á þær en þá voru sex manns í húsi og stundum fleiri ef gesti bar að garði.

Við óskum Sogsbændum og unnendum Bíldsfells til hamingju með húsið og minnum veiðimenn á að nú er hægt að skoða lausa daga inná vefsölu SVFR.