Veiði hefst að nýju eftir 3 ára friðun

Selá í Álftafirði er lítil og nett á sem líklega fáir hafa veitt en áin er skemmtilega nett tveggja stanga á.

Veiði í ánni var ekki mikil og fréttir af veiði úr henni voru stopular svo það er erfitt að segja hvernig göngur voru í hana en ástandið var engu að síður þannig að ákveðið var að friða ánna í þrjú ár.  Þessari friðun verður að hluta aflétt í sumar en seld verða 8 holl í Selá og aðeins verður leyft að nota flugu og öllum laxi skal sleppt aftur.  Samkvæmt upplýsingum frá leigutaka verða leyfin seld ódýr eða á 30.000 kr dagurinn á stöngina sem verður að teljast með því lægsta sem sést fyrir laxveiðileyfi.

Það verður fróðlegt að fylgjast með framhaldinu því ef þetta tekst vel má yfirfæra þetta yfir á fleiri ár þar sem stofninn í ánni er lítil og viðkvæmur og það er ekki mikið mál fyrir góða veiðimenn að veiða þá laxa sem í hana ganga á til þess að gera stuttum tíma.  Það eru nefnilega nokkrar litlar ár sem eru hætt komnar vegna laxleysis og þar þarf annað hvort að setja á sleppiskyldu, eins að heimila aðeins veiði á flugu eða friða ánna á meðan hún fær að jafna sig.