Bandarískir vinir Svölu héldu að Eurovision væri eins og Voice

Dagurinn í dag var gríðarlega mikilvægur í undirbúningsferlinu hjá Svölu Björgvins og íslenska hópnum fyrir komandi átök í Eurovision og hélt hún sinn annan blaðamannafund í lok dags.

Í dag æfði Svala í fyrsta skiptið í fullum skrúða í nýjum búning sem frumsýndur var í gær.

Sjá einnig: Svona mun atriði Svölu líta út á þriðjudaginn

Á blaðamannafundinum í dag var farið yfir víðan völl, og var Svala að sjálfsögðu spurð út í búninginn sinn, húðflúrin sín, fataval og reynslu sem dómari í íslenska Voice. Þá ræddi hún líka bílslys sem hún og eiginmaður hennar lentu í og hafði mikil áhrif á hana og sýn hennar á lífið.

Þá sagði Svala bandarískum blaðamanni frá því að margir af vinum hennar í Bandaríkjunum hefðu upphaflega haldið að þetta væri einhverskonar raunveruleikaþáttur líkt og Voice. Það væri ótrúlegt hve fáir bandaríkjamenn hefðu þekkingu á Eurovision miðað við stærð keppninnar. 

Fundinn má sjá í heild sinni hér að neðan.

Fréttastofa 365 verður með ítarlega umfjöllun frá Eurovision í Kænugarði næstu daga.

Fréttamennirnir Stefán Árni Pálsson og Benedikt Bóas Hinriksson verða með umfjöllun hér á Vísi, Stöð 2, Fréttablaðinu og á Bylgjunni á hverjum degi í gegnum alla keppnina. Þá verður sérstakur vefþáttur á Vísi alla dagana sem ber nafnið Júrógarðurinn.

Hægt verður að fylgjast með ævintýrum Stefáns og Benedikts í Kænugarði á Twitter-reikningi Lífsins og á Snapchat-reikningi 365 sem heitir einfaldlega Snap-365.

Við minnum líka lesendur á að fylgjast með Facebook-síðu Lífsins, Facebook-síðu Vísis og Twitter-reikningi Vísis.