Einn grunuðu yfirheyrður í morðmálinu

Lítið var um yfirheyrslur um helgina yfir þeim sex sem grunuð eru um að tengjast láti Arnars Jónssonar Aspar.

Sex voru handtekin eftir líkamsárás á Æsustöðum í Mosfellssveit á miðvikudag í liðinni viku. Yfirheyrslur stóðu fram á nótt það kvöld en lítið hefur verið um þær síðan þá.

„Við yfirheyrðum aðeins einn í fyrradag og engan í gær. Við vorum upptekin í öðrum verkum,“ segir Grímur Grímsson, yfirmaður rannsóknardeildar lögreglunnar. Ekki fæst uppgefið hver var yfirheyrður.

Grímur segir enn fremur að ekki liggi fyrir hvert dánarmein Arnars var en niðurstöður krufningar liggja ekki fyrir. Það verður líklega á næstu dögum.