Páll Óskar pantaður heim að dyrum Stefán Þór Hjartarson skrifar 3. júlí 2017 10:00 Páll Óskar keyrir stórglæsilega vínylplötu og geisladisk heim til fólks hvar sem er á landinu í fríinu sínu í haust. Vísir/Eyþór „Ef þú pantar nýju plötuna mína, sem ég er að taka upp núna, í gegnum Heimkaup.is fyrir 14. júlí, þá mæti ég persónulega með hana heim til þín – þó að það verði pantað eitt eintak í Drangey þá mun ég bara fljúga þangað,“ segir Páll Óskar Hjálmtýsson, en hann er núna perlusveittur að klára nýjustu plötuna sína sem hann ætlar að keyra heim að dyrum hjá aðdáendum sínum, hvorki meira né minna. „Þetta er þjónusta sem ég ætla að veita í samstarfi við Heimkaup. Þeir eru að verða Amazon.com Íslands og sérhæfa sig í heimsendingarþjónustu og netverslun. Þetta tilboð gildir bara fyrir þá sem panta plötuna fyrirfram. Hvort sem þú pantar á vínyl eða geisladisk, þá birtist ég við dyrastafinn heima hjá þér með plötuna, eins og Pósturinn Páll.“Er þetta hugmynd sem þú hefur gengið lengi með í kollinum?„Þetta er búið að blunda í mér lengi vegna þess að markaðurinn hefur breyst svo gríðarlega. Ég man þá tíð þegar sumar plötur seldust á föstu formi í 20 þúsund eintökum – ég get alveg staðfest það að þeir dagar eru liðnir. Fólk notar streymisþjónustur eins og Spotify núna – og það er hið besta mál, en aðdáendur og fólk sem er í liði með listamanninum kaupir plötur hans á föstu formi. Nú er svo komið að vínylplatan kemur sterk inn og selst meira en geisladiskurinn. Auðvitað læt ég stafrænan kóða fylgja með hverju eintaki svo þú getur spilað þetta hvar sem þú vilt. Hafandi sagt það get ég sagt að það er gjörsamlega galið að prenta stórt upplag af vínyl og geislaplötum sem sitja síðan óseldar á lager heima hjá þér. Því er mikið sniðugra að leyfa fólki að panta fyrirfram og þegar það er ljóst hversu stórt upplagið þarf að vera, hvers vegna ekki að þjónusta aðdáandann með því að bara mæta heim til hans og gera eitthvað skemmtilegt úr þessu?“Palli var ekkert að spara það í lúkkinu á vínylnum.Útgáfudagur plötunnar er 16. september, það er sami dagur og Palli heldur risatónleika í Laugardalshöllinni, en eftir það er hann kominn í „frí“ sem hann ætlar að nýta í að keyra með plötuna sína til aðdáenda sinna. Vínylplatan sjálf mun vera með glæsilegra móti og endurspegla innihaldið vel. „Ég hef aldrei gefið út á vínyl. Fyrsta sólóplatan mín kom út 1993 og þá var almennt hætt að gefa út vínylplötur á Íslandi. Þessi fyrsta vínylplata mín verður algjörlega gegnsæ; glær kristals-vínylplata og plötuumslagið er prentað á plexigler. Þetta er dansskotin poppplata svo að diskóið mun gneista af henni, bókstaflega. Úr því að fólk er tilbúið að kaupa svona vandaðar vínylútgáfur þá ákvað ég að ganga alla leið í þessari hönnun svo að hún verður bara eins og húsgagn. Ég átti hugmyndina að þessu plötuumslagi, en Ólöf Erla hjá Ólöf Erla Design útfærði hana fyrir mig. Umslagið verður allt handunnið hér á Íslandi, en platan pressuð erlendis. Það tekur átta vikur að pressa vínylplötur, þannig að ég verð að loka fyrir pantanir á Heimkaup 14. júlí. Það er hægt að panta núna.“ Tónlist Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Geggjað heimatilbúið „Twix“ Lífið Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira
„Ef þú pantar nýju plötuna mína, sem ég er að taka upp núna, í gegnum Heimkaup.is fyrir 14. júlí, þá mæti ég persónulega með hana heim til þín – þó að það verði pantað eitt eintak í Drangey þá mun ég bara fljúga þangað,“ segir Páll Óskar Hjálmtýsson, en hann er núna perlusveittur að klára nýjustu plötuna sína sem hann ætlar að keyra heim að dyrum hjá aðdáendum sínum, hvorki meira né minna. „Þetta er þjónusta sem ég ætla að veita í samstarfi við Heimkaup. Þeir eru að verða Amazon.com Íslands og sérhæfa sig í heimsendingarþjónustu og netverslun. Þetta tilboð gildir bara fyrir þá sem panta plötuna fyrirfram. Hvort sem þú pantar á vínyl eða geisladisk, þá birtist ég við dyrastafinn heima hjá þér með plötuna, eins og Pósturinn Páll.“Er þetta hugmynd sem þú hefur gengið lengi með í kollinum?„Þetta er búið að blunda í mér lengi vegna þess að markaðurinn hefur breyst svo gríðarlega. Ég man þá tíð þegar sumar plötur seldust á föstu formi í 20 þúsund eintökum – ég get alveg staðfest það að þeir dagar eru liðnir. Fólk notar streymisþjónustur eins og Spotify núna – og það er hið besta mál, en aðdáendur og fólk sem er í liði með listamanninum kaupir plötur hans á föstu formi. Nú er svo komið að vínylplatan kemur sterk inn og selst meira en geisladiskurinn. Auðvitað læt ég stafrænan kóða fylgja með hverju eintaki svo þú getur spilað þetta hvar sem þú vilt. Hafandi sagt það get ég sagt að það er gjörsamlega galið að prenta stórt upplag af vínyl og geislaplötum sem sitja síðan óseldar á lager heima hjá þér. Því er mikið sniðugra að leyfa fólki að panta fyrirfram og þegar það er ljóst hversu stórt upplagið þarf að vera, hvers vegna ekki að þjónusta aðdáandann með því að bara mæta heim til hans og gera eitthvað skemmtilegt úr þessu?“Palli var ekkert að spara það í lúkkinu á vínylnum.Útgáfudagur plötunnar er 16. september, það er sami dagur og Palli heldur risatónleika í Laugardalshöllinni, en eftir það er hann kominn í „frí“ sem hann ætlar að nýta í að keyra með plötuna sína til aðdáenda sinna. Vínylplatan sjálf mun vera með glæsilegra móti og endurspegla innihaldið vel. „Ég hef aldrei gefið út á vínyl. Fyrsta sólóplatan mín kom út 1993 og þá var almennt hætt að gefa út vínylplötur á Íslandi. Þessi fyrsta vínylplata mín verður algjörlega gegnsæ; glær kristals-vínylplata og plötuumslagið er prentað á plexigler. Þetta er dansskotin poppplata svo að diskóið mun gneista af henni, bókstaflega. Úr því að fólk er tilbúið að kaupa svona vandaðar vínylútgáfur þá ákvað ég að ganga alla leið í þessari hönnun svo að hún verður bara eins og húsgagn. Ég átti hugmyndina að þessu plötuumslagi, en Ólöf Erla hjá Ólöf Erla Design útfærði hana fyrir mig. Umslagið verður allt handunnið hér á Íslandi, en platan pressuð erlendis. Það tekur átta vikur að pressa vínylplötur, þannig að ég verð að loka fyrir pantanir á Heimkaup 14. júlí. Það er hægt að panta núna.“
Tónlist Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Geggjað heimatilbúið „Twix“ Lífið Fleiri fréttir „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Sjá meira