Lúxusbíll Pútíns á lokametrunum Finnur Thorlacius skrifar 31. október 2017 14:54 Þessi mynd náðist af prófunum á einum af þessum fjórum fyrirhuguðu bílum. Þróun nýs forsetabíls Vladimir Putin forseta Rússlands virðist nú á lokametrunum en prófanir á bílnum standa nú yfir og stefnt er að kynningu bílsins fyrir almenning í may á næsta ári. Eðlilega er bíllinn engin smákerra, enda með 850 hestafla V12 vél undir húddinu. Þróun þessa bíls er þó ekki eitt einstakt verkefni heldur aðeins liður í þróun fjögurra bíla, límósínu, jeppa, fjölnotabíls og fólksbíls og að verkefninu stendur rússneska fyrirtækið Kortezh. Fólksbílarnir verða þó engir aumingjar því í þeim verður 650 hestafla V8 vél. Sú vél ásamt V12 vélinni í bíl Pútíns, eru þróaðar í samstarfi við Porsche. Fólksbílum verður meðal annars ætlað að fylgja forsetabílnum eftir í tíðum salíbunureiðum forsetans. Fjölnotabíllinn (Minivan) og jeppinn munu fá öllu hófstilltari vélar, eða líklega 250 hestafla fjögurra strokka vélar með forþjöppu. Alls ætlar rússneska fyrirtækið sem stendur að þessu stóra verkefni að framleiða 5.000 bíla og verða þeir framleiddir hjá öðru rússnesku fyrirtæki, Sollers og mun framleiðsla bílanna þar hætta árið 2020. Ekki liggur ljóst fyrir hvort einhverjir þessara 5.000 bíla verða til sölu fyrir almenning eða hvort þeir verða allir ætlaðir fyrir opinbera starfsmenn í Rússlandi. Mest lesið Ákærður fyrir að nauðga barni frá því að það var tveggja ára Innlent Líkur á hellidembu, þrumum og eldingum suðvestantil Veður „Hér er ekki ódýr orka í neinum alþjóðlegum samanburði“ Innlent Falin myndavél á þingklósettinu og ósæmilegar myndir af börnum Erlent „Honum var kastað til hliðar eins og hverju öðru drasli“ Innlent Árásarmaðurinn heltekinn af „hugmyndinni um að drepa börn“ Erlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Heitavatnslaust í öllum Grafarvogi Innlent „Kennarar eiga ekki að vera í einhverjum lögguhlutverki“ Innlent Bílbruni í Hafnarfirði og á Lynghálsi Innlent
Þróun nýs forsetabíls Vladimir Putin forseta Rússlands virðist nú á lokametrunum en prófanir á bílnum standa nú yfir og stefnt er að kynningu bílsins fyrir almenning í may á næsta ári. Eðlilega er bíllinn engin smákerra, enda með 850 hestafla V12 vél undir húddinu. Þróun þessa bíls er þó ekki eitt einstakt verkefni heldur aðeins liður í þróun fjögurra bíla, límósínu, jeppa, fjölnotabíls og fólksbíls og að verkefninu stendur rússneska fyrirtækið Kortezh. Fólksbílarnir verða þó engir aumingjar því í þeim verður 650 hestafla V8 vél. Sú vél ásamt V12 vélinni í bíl Pútíns, eru þróaðar í samstarfi við Porsche. Fólksbílum verður meðal annars ætlað að fylgja forsetabílnum eftir í tíðum salíbunureiðum forsetans. Fjölnotabíllinn (Minivan) og jeppinn munu fá öllu hófstilltari vélar, eða líklega 250 hestafla fjögurra strokka vélar með forþjöppu. Alls ætlar rússneska fyrirtækið sem stendur að þessu stóra verkefni að framleiða 5.000 bíla og verða þeir framleiddir hjá öðru rússnesku fyrirtæki, Sollers og mun framleiðsla bílanna þar hætta árið 2020. Ekki liggur ljóst fyrir hvort einhverjir þessara 5.000 bíla verða til sölu fyrir almenning eða hvort þeir verða allir ætlaðir fyrir opinbera starfsmenn í Rússlandi.
Mest lesið Ákærður fyrir að nauðga barni frá því að það var tveggja ára Innlent Líkur á hellidembu, þrumum og eldingum suðvestantil Veður „Hér er ekki ódýr orka í neinum alþjóðlegum samanburði“ Innlent Falin myndavél á þingklósettinu og ósæmilegar myndir af börnum Erlent „Honum var kastað til hliðar eins og hverju öðru drasli“ Innlent Árásarmaðurinn heltekinn af „hugmyndinni um að drepa börn“ Erlent Alþjóðlegir nemendur áhyggjufullir vegna tafa á afgreiðslu dvalarleyfa Innlent Heitavatnslaust í öllum Grafarvogi Innlent „Kennarar eiga ekki að vera í einhverjum lögguhlutverki“ Innlent Bílbruni í Hafnarfirði og á Lynghálsi Innlent