„Le Bon Marché er eitt af flottustu vöruhúsum Evrópu og við erum bæði stolt og ánægð með það að BIOEFFECT snyrtivörurnar séu nú fáanlegar þar. Það eru gerðar miklar kröfur til þeirra vörumerkja sem tekin eru í sölu hjá Le Bon Marché og þetta styrkir stöðu okkar sem alþjóðlegt vörumerki fyrir kröfuharða neytendur,“ segir Hildur Ársælsdóttir, markaðsstjóri Bioeffect.
Vöruhúsið, sem stofnað var árið 1838, er á þremur hæðum og þykir eitt það glæsilegasta í heiminum. Það er þekkt fyrir fágaða hönnun, íburðamikil húsakynni og vandaða þjónustu. Le Bon Marché er í eigu LVMH Luxury Group sem á og selur fjölda lúxusvörumerkja, til dæmis Louis Vitton, Dior, Dom Pérignon, Hennessey og Tag Heuer.
Vörur BIOEFFECT eru nú þegar til sölu á 28 mörkuðum og í nokkrum af þekktustu vöruhúsum heims, þar á meðal Harrods í London og KaDeWe í Berlín. Þá eru þær á meðal mest seldu snyrtivara um borð í vélum British Airways, Lufthansa, Swiss Air og Icelandair.
