Réttindalaus rútubílstjóri stöðvaður á leið í Bláa lónið

Lögreglan á Suðurlandi hafði afskipti af ökumanni með kínverskt ríkisfang sem reyndist ekki hafa almennt rekstrarleyfi til aksturs með farþega og að auki hafði hann ekki aukin ökuréttindi til slíks. Lögreglan greinir frá þessu í dagbók sinni þar sem farið er yfir helstu verkefni liðinnar viku.

Var bílstjórinn að aka með farþega sína í Bláa lónið en lögreglan segir þennan sama bílstjóra hafa verið stöðvaðan vegna samskonar brots í haust en virðist ekki hafa látið sér það að kenningu verða. Segir lögreglan það hafa verið athyglisvert að vinnuveitandi hans hafi verið með í för að þessu sinni.