Pottaskefill kom til byggða í nótt

Pottaskefill er fimmti jólasveinninn sem kemur til byggða. Hann hirti skítuga pottana úr eldhúsinu og skóf þá að innan með puttunum. Þá þurfti ekki að þvo þá.

Í ljóðinu Jólasveinarnir eftir Jóhannes úr Kötlum segir:

Sá fimmti, Pottaskefill,

var skrítið kuldastrá.

- Þegar börnin fengu skófir

hann barði dyrnar á.

Þau ruku' upp, til að gá að

hvort gestur væri á ferð.

Þá flýtti' ann sér að pottinum

og fékk sér góðan verð.

Kvæði Jóhannesar úr Kötlum er birt með góðfúslegu leyfi Svans Jóhannessonar. Nánar má lesa um skáldið á vefnum johannes.is.

Hér fyrir neðan syngur Pottaskefill lagið Jólasveinar einn og átta í gömlu myndbandi frá Jolasveinarnir.is.