Lék sér með UGG-skóna umdeildu

Y/Project sýndi herrafatalínu sína fyrir árið 2018 á dögunum, og voru ansi margar flíkur og aðrir hlutir sem vöktu áhuga okkar. Yfirhönnuður Y/Project er Glenn Martins, sem ítrekað reynir að stíga út fyrir kassann. Þessi lína fólst í því að blanda og festa efni saman. 

Í þessari línu var hann í samstarfi við Ugg, og niðurstaðan var ansi forvitnileg. Það hafa eflaust margir sínar skoðanir á hinum venjulegu Ugg-stígvélum, en þessir frá Y/Project eru mjög áhugaverðir. 

Glenn kynnti nokkrar Ugg týpur til leiks, eins og hnéhá stígvél bæði í brúnu og svörtu. Einnig voru aðrar lægri týpur þar sem fóðrinu var snúið út á við. 

Hvort þetta hafi verið gert einungis fyrir athygli er erfitt að segja, eða hvort hann hafi verið að reyna að gera ljóta skó enn ljótari, þá efumst við um að þessi tíska sé komin til að vera.