Allsherjar útkall Bjarni Karlsson skrifar 24. janúar 2018 06:00 Síðustu tvær vikur hef ég dvalið í litlum bústað fyrir austan fjall og verið að lesa mér til í umhverfissiðfræði. Strax á öðrum degi varð mér ljóst að ég er ekki einn í þessum kofa því bráðlega tók músarögn að stytta sér leið yfir gólfið annað veifið. Ekki gengur að stúdera umhverfissiðfræði með músarblóð á höndum svo ég hef samið við hana um að rísla sér í fjölnota innkaupapokanum frá Bónus á nóttinni innan um smárusl og afganga (einkum dýraafurðir) svo ég geti sofið rólega. Á daginn fær hún frelsi. Í þessari sambúð hef ég svo verið að skoða hin sautján sjálfbæru þróunarmarkmið Sameinuðu þjóðanna og líka umburðarbréf Frans páfa frá árinu 2015 og komist að því að páfinn í Róm og SÞ eru einhuga varðandi músina og mig, að við séum jafningjar í þeim skilningi að við erum þátttakendur í sama vistkerfi. Sú tign sem ég hef, verandi manneskja, er ekki hrósunarefni mitt í samanburði við músina, heldur bara siðferðisviðmið. Meintir yfirburðir mannfólks eru misskilningur að mati þessara aðila en sérstaða okkar fólgin í getu til að vera skapandi og ábyrg, eða eins og páfinn myndi orða það, gegna ráðsmennskuhlutverki okkar af trúmennsku. Eins heldur þetta fólk því fram að hugarfarið sem valdi loftslagsbreytingum og umhverfisspjöllum sé sama hugarfarið og valdi fátækt og almennri misskiptingu og viðhaldi auk þess menningu sem m.a. gefi slagrými fyrir kynbundinn yfirgang. Þau staðhæfa öll í einum kór að umhverfisvernd og mannréttindi verði ekki leyst í aðgreiningu og nú verði allt fólk að gjöra svo vel að sameinast í beinum aðgerðum til að bjarga heiminum frá bráðri eyðileggingu af mannavöldum. Er þá ekki einmitt bara í góðu lagi að hvíla olíuleitina á Drekasvæðinu? Viltu birta grein á Vísi? Sendu okkur póst. Senda grein Bjarni Karlsson Birtist í Fréttablaðinu Mest lesið Sniðgangan á Rapyd slær öll met Björn B. Björnsson Skoðun Augnablikið Magnús Jóhann Hjartarson Skoðun Pólitískt hugrekki og pólitískt hugleysi: ólík stefna tveggja systurflokka Birgir Finnsson Skoðun Það þarf ekki að biðjast afsökunar á því að segja satt Þórður Snær Júlíusson Skoðun Sættir þú þig við þetta? Jón Pétur Zimsen Skoðun Tölum um stóra valdaframsalsmálið Hjörtur J. Guðmundsson Skoðun Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun Gott frumvarp, en hvað með verklagið? Bogi Ragnarsson Skoðun Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun Ísland gjaldþrota vegna fatlaðs fólks? Alma Ýr Ingólfsdóttir Skoðun
Síðustu tvær vikur hef ég dvalið í litlum bústað fyrir austan fjall og verið að lesa mér til í umhverfissiðfræði. Strax á öðrum degi varð mér ljóst að ég er ekki einn í þessum kofa því bráðlega tók músarögn að stytta sér leið yfir gólfið annað veifið. Ekki gengur að stúdera umhverfissiðfræði með músarblóð á höndum svo ég hef samið við hana um að rísla sér í fjölnota innkaupapokanum frá Bónus á nóttinni innan um smárusl og afganga (einkum dýraafurðir) svo ég geti sofið rólega. Á daginn fær hún frelsi. Í þessari sambúð hef ég svo verið að skoða hin sautján sjálfbæru þróunarmarkmið Sameinuðu þjóðanna og líka umburðarbréf Frans páfa frá árinu 2015 og komist að því að páfinn í Róm og SÞ eru einhuga varðandi músina og mig, að við séum jafningjar í þeim skilningi að við erum þátttakendur í sama vistkerfi. Sú tign sem ég hef, verandi manneskja, er ekki hrósunarefni mitt í samanburði við músina, heldur bara siðferðisviðmið. Meintir yfirburðir mannfólks eru misskilningur að mati þessara aðila en sérstaða okkar fólgin í getu til að vera skapandi og ábyrg, eða eins og páfinn myndi orða það, gegna ráðsmennskuhlutverki okkar af trúmennsku. Eins heldur þetta fólk því fram að hugarfarið sem valdi loftslagsbreytingum og umhverfisspjöllum sé sama hugarfarið og valdi fátækt og almennri misskiptingu og viðhaldi auk þess menningu sem m.a. gefi slagrými fyrir kynbundinn yfirgang. Þau staðhæfa öll í einum kór að umhverfisvernd og mannréttindi verði ekki leyst í aðgreiningu og nú verði allt fólk að gjöra svo vel að sameinast í beinum aðgerðum til að bjarga heiminum frá bráðri eyðileggingu af mannavöldum. Er þá ekki einmitt bara í góðu lagi að hvíla olíuleitina á Drekasvæðinu?
Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun
Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun
Listnám er lífsbjörg – opið bréf til ráðherra mennta, félags og heilbrigðismála, til stuðnings Söngskóla Sigurðar Demetz Dagbjört Andrésdóttir Skoðun
Litla landið sem kennir heiminum – Ísland og þróunarsamvinna í gegnum menntun GRÓ skólanna Verena Karlsdóttir,Hreiðar Þór Valtýsson,Þór Heiðar Ásgeirsson Skoðun