Bein útsending: Kvöldfréttir Stöðvar 2

Lögreglan á höfuðborgarsvæðinu kynnti nú á sjötta tímanum niðurstöður ítarlegrar skoðunar á því hvað kunni að hafa farið úrskeiðis þegar dróst á langinn að hefja rannsókn á ætluðum kynferðisbrotum karlmanns, sem tilkynnt var um í sumarlok árið 2017. Fjallað verður um málið í fréttum Stöðvar tvö klukkan hálf sjö. Þar förum við líka yfir vændishneyksli sem skekur ein stærstu góðgerðasamtök Bretlands, Oxfam, og kynnum okkur snjallar persónulegar innkaupakerrur, sem munu meðal annars greina þarfir og láta vita af tilboðum. Þetta og margt fleira í fréttum Stöðvar tvö í opinni dagskrá klukkan 18.30.