Edda Dungal sæmd Gullmerki SVFR

Aðalfundur SVFR var haldinn á laugardaginn og þar var kosið um þrjú stjórnarsæti ásamt því að nýr formaður tók við stjórnartaumunum.

Árni Friðleifsson af sem kunnugt er ekki kost á sér til áframhaldandi setu svo Jón Þór Ólason var sjálfkjörinn formaður.  Kosning um meðstjórn var öllu meira spennandi en þar hlutu kosningu Hrannar Pétursson sem kemur nýr inn, Hörður Birgir Hafsteinsson sem hélt sæti sínu og Rögnvaldur Jónsson sem einnig hélt sæti sínu.  Á fundinum var farið yfir stöðu félagsins sem hefur batnað mikið síðustu ár og einnig var veitt Gullmerki SVFR til Eddu Dungal en hún hefur verið hjarta og sál félagsins síðustu tuttugu árin eða svo en hefur látið af störfum fyrir félagið.  Henni var fagnað með standandi lófataki og þökkum fyrir að hafa staðið vaktina allann þennan tíma.