Brjáluð hjón kæra brúðkaupsljósmyndarann

Steph og Paul Unwin segja farir sínar ekki sléttar eftir að hafa fengið brúðkaupsljósmyndirnar frá ljósmyndaranum Dave Kilcource.

Nýgiftu hjónin eru einfaldlega bandbrjáluð en þau giftu sig á dögunum í Manchester. Fjallað er ítarlega um málið á vefsíðu Daily Mail.

Ljósmyndarinn tók 1636 myndir í brúðkaupinu og voru 559 af þeim ekki í fókus. Hjónin segja einnig að Kilcource hafi aðeins náð 70 myndum af brúðinni, 11 af brúðgumanum og 96 af brúðarmeyjunum.

1/3 af myndunum voru algjörlega ónothæfar en hjónin þurftu að reiða fram 550 pund fyrir þjónustu Kilcource eða því sem samsvarar 78 þúsund krónum.

Hér má skoða myndirnar úr brúðkaupinu sem Daily Mail hefur undir höndum.