Ateria vann Músíktilraunir

Hljómsveitin Ateria stóð uppi sem sigurvegari á úrslitakvöldi Músíktilrauna sem fór fram í Hörpu í kvöld. Í öðru sæti var hljómsveitin Mókrókar og sveitin Ljósfari hafnaði í því þriðja.

Dagir B. Eggertsson borgarstjóri Reykjavíkur tilkynnti úrslitin.

Hljómsveitina skipa Ása Ólafsdóttir, Eir Ólafsdóttir og Fönn Fannarsdóttir og þær hafa allar stundað tónlistarnám og tekið þátt í Stelpur rokka. Ása og Eir eru systur og Fönn er frænka þeirra. Hljómsveitin var stofnuð haustið 2017 og æfir í bílskúr í Vesturbæ Reykjavík.

Ása er sautján ára og sér um gítarleik og söng. Eir, sem er sextán ára spilar á bassa og selló ásamt því að syngja. Fönn, sem verður þrettán ára í næsta mánuði, spilar á trommur.

Eftirfarandi aðilar hlutu einnig viðurkenningar:

Hljómsveit fólksins:

Karma Brigade

Viðurkenning fyrir textagerð á íslensku:

Agnar Dofri Stefánsson (Agnarsmár)

Trommuleikari Músíktilrauna:

Þórir Hólm Jónsson (Mókrókar)

Gítarleikari Músíktilrauna:

Þorkell Ragnar Grétarsson (Mókrókar)

Bassaleikari Músíktilrauna:

Snorri Örn Arnarson (Ljósfari og Jóhanna Elísa)

Hljómborðsleikari Músíktilrauna:

Jóhanna Elísa Skúladóttir (Jóhanna Elísa)

Söngvari Músíktilrauna:

Eydís Ýr Jóhannsdóttir (Sif)

Rafheili Músíktilrauna:

Darri Tryggvason (Darri Tryggvason)

Blúsaðasta bandið:

Mókrókar