JóiPé og Króli frumsýna nýtt myndband við lagið Þráhyggja

Rappararnir JóiPé og Króli gáfu út nýtt lag í dag en finna má það á væntanlegri plötu sem er á leiðinni frá þeim félögum. Þeir mættu í Brennsluna á FM957 í morgun og var lagið Þráhyggja frumflutt í þættinum.

Platan Afsakið hlé kemur út á miðvikudaginn og eru 17 lög á þeirri plötu.

„Lagið fjallar í raun um pressuna að vera til. Stundum líður manni ekkert sérstaklega vel,“ segir Króli í Brennslunni í morgun.

„Við ákváðum að fara í eitthvað nýtt á þessari plötu og á henni má finna ballöðu þar sem við báðir syngjum bara.“

Klukkan tólf á hádegi var síðan nýtt myndband við lagið frumsýnt og má sjá það myndband hér að neðan. 

Hér að neðan má síðan hlusta á viðtalið við þá félaga úr Brennslunni í morgun.