Pinnonen á heimleið

Handknattleikslið Aftureldingar missti lykilmann í dag því eistneska skyttan Mikk Pinnonen mun ekki leika með liðinu næsta vetur.

Hann hefur verið í herbúðum Aftureldingar í tvö og hálft ár og staðið sig frábærlega.

Mikk Pinnonen yfirgefur Aftureldingu. Einn besti útlendingurinn sem hér hefur leikið í handboltanum. Þetta er skarð sem erfitt verður að fylla. Eins dauði annars brauð. Eina.

— Guðjón Guðmundsson (@gaupinn) April 23, 2018

Nú stefnir hann á að flytja aftur heim til Eistlands. Ljóst að hann styrkir öll lið í heimalandinu og verður eflaust slegist um þjónustu hans þar.

Það verður verk að vinna hjá Mosfellingum að fylla skarð Eistans sem oft á tíðum dró vagninn fyrir Aftureldingu þó svo sá vagn hafi numið staðar í átta liða úrslitunum þetta árið.