Will Smith gefur út HM lagið á föstudaginn

Bandaríski tónlistarmaðurinn og leikarinn Will Smith mun á næstunni gefa út nýja HM lagið fyrir heimsmeistaramótið í Rússlandi sem hefst í næsta mánuði.

Íslendingar verða þar í eldlínunni og mætir liðið Argentínu, Króatíu og Nígeríu í riðlakeppninni.

Samkvæmt frétt BBC kemur lagið út á föstudaginn en Smith greinir sjálfur frá þessu á Instagram-síðu sinni og birtir mynd af sér með listamanninum NICKY JAM.

Smith merkir myndina með kassamerkinu #worldcup og merkir einnig þau Diplo og Era Istrefi á myndina.

Fróðlegt verður að fylgjast með því þegar lagið verður gefið út.

 

@nickyjampr @Diplo @strefie @WillSmith - One Life to Live. Live it Up. #WorldCup

A post shared by Will Smith (@willsmith) on May 22, 2018 at 4:10am PDT