Góð opnun Laxár í Kjós

Veiðar hófust í Laxá í Kjós á föstudaginn og þar sem og annars staðar var heldur kalt við ána en veiðin var engu að síður góð.

"Opnunnarhollið líkur veiðum á hádegi í dag og það eru komnir tuttugu og fimm laxar á land" sagði Haraldur Eiríksson hjá Hreggnasa í samtali við Veiðivísi í dag.  "Það er farið að bera á mjög vel höldnum smálaxi en uppistaðan í aflanum í þessu holli var gríðarlega fallegur og vel haldinn tveggja ára lax" bætir Haraldur við.  Vatnið í ánni var eðlilegt miðað við árstíma og er fiskur kominn á og farinn að veiðast á öllum svæðum nema Bugðu.

Það er vel þekkt að lax veiðist fyrstu dagana mjög ofarlega í ánni enda er sem fyrstu laxarnir sem mæti taki ánna á hraðferð og það eru jafnvel dæmi um að laxar hafi verið að veiðast í Stekkjarfljóti á fyrstu dögunum sem er einn af efri veiðistöðunum í ánni.