Núna eða aldrei Þórdís Lilja Gunnarsdóttir skrifar 15. júní 2018 08:45 Læknahjónin Kristmundur og Jurate Ásmundsson eru dyggir stuðningsmenn íslenska fótboltalandsliðsins og ætla að fylgja liðinu vítt og breitt eftir í Rússlandi og skoða land og þjóð á milli leikja. Fréttablaðið/Sigtryggur Ari Læknahjónin Kristmundur og Jurate Ásmundsson bókuðu 33 hótel í Rússlandi kvöldið sem ljóst varð að Íslendingar færu á HM. Í för með þeim er einlæg trú á landsliðið. Kvöldið sem Íslendingar tryggðu sig á HM, eftir sigur gegn Kósovó, stóð ég upp úr sófanum og sagði við frúna: „Það er nú eða aldrei,“ enda var búið að vera lengi í bígerð hjá okkur hjónum að fara til Rússlands,“ segir Kristmundur Ásmundsson, öldrunarlæknir á Landakotsspítala. Þetta sama kvöld hófst Kristmundur þegar handa við undirbúning ferðalagsins á HM. Dæmið leit svona út: Ellefu mögulegir leikstaðir og þrír leikir á hverjum stað; samtals 33 mögulegir HM-leikir. „Til að fá sem best kjör pantaði ég strax flugmiða og 33 hótel í gegnum booking.com, og þegar dregið var í riðla 1. desember afpantaði ég það sem ég þurfti ekki lengur með og keypti miða í fyrstu umferð,“ útskýrir Kristmundur sem pantaði fimm miða á mann og á einnig miða í sextán og átta liða úrslit, ef til þess kemur fyrir Ísland. „Fari Ísland alla leið verður vissulega svekkjandi að vera ekki með en ég ákvað að kaupa ekki fleiri miða þar sem ég þarf að mæta í vinnu eftir sumarfríið. Ég á svo ekki von á því að það verði erfitt að selja þessa miða ef með þarf, og vafalaust margir sem vilja komast á þessa leiki, sama hvaða lönd keppa, en við vonumst auðvitað til að Ísland verði eitt af þeim.“Bæði elska og hata Rússa Eiginkona Kristmundar, Jurate Ásmundsson, læknir og sérfræðingur í meinafræði og frumumeinafræðum á Landspítala, er potturinn og pannan í Rússlandsferð þeirra hjóna. „Jurate er fædd í Litháen en alin upp í gömlu Sovétríkjunum, talar reiprennandi rússnesku og þekkir rússneska hugsunarháttinn. Litháar elska bæði og hata Rússana, því þeir muna vel eftir kúguninni en elska kúltúrinn. Jurate verður minn leiðsögumaður í þessari ferð og við hlökkum mikið til að skoða þetta stóra land og lenda í þessu gjörólíka umhverfi. Þar býr stolt þjóð með mikla sögu og menningu, dásamlega tónlist og einkar ljúffengan. Það segir sitt um trú mína á landsliðinu að ég keypti alla þessa miða og er búinn að fá leyfi á spítalanum,“ segir Kristmundur. Þau hjón verða á ferðalagi um Rússland í þrjár til fjórar vikur, allt eftir gengi landsliðsins á HM. „En þótt fótboltaleikirnir séu hápunktar ferðarinnar er svo óskaplega margt og merkilegt að skoða í Rússlandi. Ég hlakka ósegjanlega til að sjá Vetrarhöllina í St. Pétursborg, rússneska náttúru, fólkið og Kreml, og Jurate er ákveðin í að sjá lík Leníns í grafhýsi hans á Rauða torginu í Moskvu,“ segir Kristmundur en þau hjón verða í Nischni Nowgorod á meðan þau bíða eftir leiknum á móti Nígeríu í Volgograd og fara þaðan til Rostov. Lék fótbolta með Breiðabliki Kristmundur og Jurate flugu utan 9. júní með fyrsta beina flugi Siberian Airlines frá Keflavík til Moskvu. Í ferðinni munu þau leggja 5.000 kílómetra að baki og fljúga á milli staða. „Það verður ævintýri að fara á fyrsta leik Íslands í Moskvu og svo sérlega áhugavert að horfa á leikinn á móti Nígeríumönnum því þeir spila svo ólíkan fótbolta. Ég segi eins og landsliðsmennirnir, að maður er orðinn svolítið þreyttur á að spila á móti Króatíu, en það gæti orðið æsispennandi leikur sem ræður úrslitum um hvernig allt fer,“ segir Kristmundur fullur áhuga og haldinn íþróttabakteríu frá unglingsárunum en hann lék knattspyrnu til tvítugs og handbolta til þrítugs. „Áhugi á landsliðinu dvínar aldrei en mér er orðið nokk sama hvað er að gerast í enska boltanum. Ég hélt með Leeds United á árum áður en þeir geta bara ekkert í boltanum svo ég nenni ekki að fylgjast með þeim lengur,“ segir Kristmundur sem spilaði fótbolta með Breiðabliki og handbolta með KR og Gróttu. „Breiðablik hélt mér í liðum sínum upp í tvítugt en það reyndi aldrei almennilega á hæfileika mína þar sem ég var alltaf rifinn úr boltanum í miðjum klíðum og sendur í sveit á sumrin. Síðar tók handboltinn yfir og ég var nógu góður til að spila nokkur ár með meistaraflokki Gróttu í fyrstu deild.“ Geðshræring í stúkunni Eftirlætisleikmaður Kristmundar nú um stundir er Gylfi Sigurðsson. „Gylfi stendur svolítið upp úr en reyndar eru þeir hver öðrum skemmtilegri, strákarnir í landsliðinu, og nú er komið í liðið fullt af ungum piltum sem er forvitnilegt að fylgjast með. Mér finnst líka mjög gaman að fylgjast með fyrirliðanum Aroni Einari, sem er gríðarlegur karakter, og hvernig hann stýrir sínum mönnum,“ segir Kristmundur fullur tilhlökkunar til að setjast í rússneskar stúkur með áhangendum íslenska landsliðsins. „Rétt eins og aðrir get ég vissulega komist í uppnám og það fer örugglega geðshræring um mann yfir að vera staddur mitt í þessu öllu saman. Það verður ógleymanleg upplifun að taka þátt í víkingaklappinu og kyrja „Áfram Ísland!“ í kraftmiklum kór. Ég er líka búinn að kaupa miða í íslensku eftirpartíin í Volgograd og Rostov en ég sleppi partíinu í Moskvu því þar ætla ég að hitta vin minn og gera eitthvað með honum eftir leik.“ Í farteskinu hjá Kristmundi og Jurate er von og trú á íslenska landsliðinu. „Það segir sitt um trú mína á íslenska landsliðinu að ég keypti alla þessa miða og er búinn að fá leyfi ef til kemur á spítalanum. Það er heldur engin ástæða til annars en að trúa og vona það besta. Ef íslenska landsliðið nær sama takti og það gerði í Frakklandi, og hefur sýnt í leikjum riðlakeppninnar, mun því ganga allt að óskum. Menn geta auðvitað verið óheppnir og fengið á sig slysamörk en að því slepptu mun þeim ganga vel,“ segir Kristmundur sem heldur með Svíum ef Íslendingar detta út. „Eftir að hafa búið og starfað sem læknir um árabil í Svíþjóð mun ég vitaskuld halda með Svíum, og ef Svíarnir detta út verður varaliðið að sjálfsögðu Danir. Í dag er þó aðeins eitt sem kemst að og það er: Áfram Ísland!“ segir Kristmundur kátur. HM 2018 í Rússlandi Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Sjóðheitar og einhleypar inn í haustið Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina Sjá meira
Læknahjónin Kristmundur og Jurate Ásmundsson bókuðu 33 hótel í Rússlandi kvöldið sem ljóst varð að Íslendingar færu á HM. Í för með þeim er einlæg trú á landsliðið. Kvöldið sem Íslendingar tryggðu sig á HM, eftir sigur gegn Kósovó, stóð ég upp úr sófanum og sagði við frúna: „Það er nú eða aldrei,“ enda var búið að vera lengi í bígerð hjá okkur hjónum að fara til Rússlands,“ segir Kristmundur Ásmundsson, öldrunarlæknir á Landakotsspítala. Þetta sama kvöld hófst Kristmundur þegar handa við undirbúning ferðalagsins á HM. Dæmið leit svona út: Ellefu mögulegir leikstaðir og þrír leikir á hverjum stað; samtals 33 mögulegir HM-leikir. „Til að fá sem best kjör pantaði ég strax flugmiða og 33 hótel í gegnum booking.com, og þegar dregið var í riðla 1. desember afpantaði ég það sem ég þurfti ekki lengur með og keypti miða í fyrstu umferð,“ útskýrir Kristmundur sem pantaði fimm miða á mann og á einnig miða í sextán og átta liða úrslit, ef til þess kemur fyrir Ísland. „Fari Ísland alla leið verður vissulega svekkjandi að vera ekki með en ég ákvað að kaupa ekki fleiri miða þar sem ég þarf að mæta í vinnu eftir sumarfríið. Ég á svo ekki von á því að það verði erfitt að selja þessa miða ef með þarf, og vafalaust margir sem vilja komast á þessa leiki, sama hvaða lönd keppa, en við vonumst auðvitað til að Ísland verði eitt af þeim.“Bæði elska og hata Rússa Eiginkona Kristmundar, Jurate Ásmundsson, læknir og sérfræðingur í meinafræði og frumumeinafræðum á Landspítala, er potturinn og pannan í Rússlandsferð þeirra hjóna. „Jurate er fædd í Litháen en alin upp í gömlu Sovétríkjunum, talar reiprennandi rússnesku og þekkir rússneska hugsunarháttinn. Litháar elska bæði og hata Rússana, því þeir muna vel eftir kúguninni en elska kúltúrinn. Jurate verður minn leiðsögumaður í þessari ferð og við hlökkum mikið til að skoða þetta stóra land og lenda í þessu gjörólíka umhverfi. Þar býr stolt þjóð með mikla sögu og menningu, dásamlega tónlist og einkar ljúffengan. Það segir sitt um trú mína á landsliðinu að ég keypti alla þessa miða og er búinn að fá leyfi á spítalanum,“ segir Kristmundur. Þau hjón verða á ferðalagi um Rússland í þrjár til fjórar vikur, allt eftir gengi landsliðsins á HM. „En þótt fótboltaleikirnir séu hápunktar ferðarinnar er svo óskaplega margt og merkilegt að skoða í Rússlandi. Ég hlakka ósegjanlega til að sjá Vetrarhöllina í St. Pétursborg, rússneska náttúru, fólkið og Kreml, og Jurate er ákveðin í að sjá lík Leníns í grafhýsi hans á Rauða torginu í Moskvu,“ segir Kristmundur en þau hjón verða í Nischni Nowgorod á meðan þau bíða eftir leiknum á móti Nígeríu í Volgograd og fara þaðan til Rostov. Lék fótbolta með Breiðabliki Kristmundur og Jurate flugu utan 9. júní með fyrsta beina flugi Siberian Airlines frá Keflavík til Moskvu. Í ferðinni munu þau leggja 5.000 kílómetra að baki og fljúga á milli staða. „Það verður ævintýri að fara á fyrsta leik Íslands í Moskvu og svo sérlega áhugavert að horfa á leikinn á móti Nígeríumönnum því þeir spila svo ólíkan fótbolta. Ég segi eins og landsliðsmennirnir, að maður er orðinn svolítið þreyttur á að spila á móti Króatíu, en það gæti orðið æsispennandi leikur sem ræður úrslitum um hvernig allt fer,“ segir Kristmundur fullur áhuga og haldinn íþróttabakteríu frá unglingsárunum en hann lék knattspyrnu til tvítugs og handbolta til þrítugs. „Áhugi á landsliðinu dvínar aldrei en mér er orðið nokk sama hvað er að gerast í enska boltanum. Ég hélt með Leeds United á árum áður en þeir geta bara ekkert í boltanum svo ég nenni ekki að fylgjast með þeim lengur,“ segir Kristmundur sem spilaði fótbolta með Breiðabliki og handbolta með KR og Gróttu. „Breiðablik hélt mér í liðum sínum upp í tvítugt en það reyndi aldrei almennilega á hæfileika mína þar sem ég var alltaf rifinn úr boltanum í miðjum klíðum og sendur í sveit á sumrin. Síðar tók handboltinn yfir og ég var nógu góður til að spila nokkur ár með meistaraflokki Gróttu í fyrstu deild.“ Geðshræring í stúkunni Eftirlætisleikmaður Kristmundar nú um stundir er Gylfi Sigurðsson. „Gylfi stendur svolítið upp úr en reyndar eru þeir hver öðrum skemmtilegri, strákarnir í landsliðinu, og nú er komið í liðið fullt af ungum piltum sem er forvitnilegt að fylgjast með. Mér finnst líka mjög gaman að fylgjast með fyrirliðanum Aroni Einari, sem er gríðarlegur karakter, og hvernig hann stýrir sínum mönnum,“ segir Kristmundur fullur tilhlökkunar til að setjast í rússneskar stúkur með áhangendum íslenska landsliðsins. „Rétt eins og aðrir get ég vissulega komist í uppnám og það fer örugglega geðshræring um mann yfir að vera staddur mitt í þessu öllu saman. Það verður ógleymanleg upplifun að taka þátt í víkingaklappinu og kyrja „Áfram Ísland!“ í kraftmiklum kór. Ég er líka búinn að kaupa miða í íslensku eftirpartíin í Volgograd og Rostov en ég sleppi partíinu í Moskvu því þar ætla ég að hitta vin minn og gera eitthvað með honum eftir leik.“ Í farteskinu hjá Kristmundi og Jurate er von og trú á íslenska landsliðinu. „Það segir sitt um trú mína á íslenska landsliðinu að ég keypti alla þessa miða og er búinn að fá leyfi ef til kemur á spítalanum. Það er heldur engin ástæða til annars en að trúa og vona það besta. Ef íslenska landsliðið nær sama takti og það gerði í Frakklandi, og hefur sýnt í leikjum riðlakeppninnar, mun því ganga allt að óskum. Menn geta auðvitað verið óheppnir og fengið á sig slysamörk en að því slepptu mun þeim ganga vel,“ segir Kristmundur sem heldur með Svíum ef Íslendingar detta út. „Eftir að hafa búið og starfað sem læknir um árabil í Svíþjóð mun ég vitaskuld halda með Svíum, og ef Svíarnir detta út verður varaliðið að sjálfsögðu Danir. Í dag er þó aðeins eitt sem kemst að og það er: Áfram Ísland!“ segir Kristmundur kátur.
HM 2018 í Rússlandi Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Fleiri fréttir Sjóðheitar og einhleypar inn í haustið Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina Sjá meira