Punktur á korti kveikti áhugann á Færeyjum Stefán Þór Hjartarson skrifar 16. júlí 2018 06:00 Matthew Workman hefur haldið úti the Faroe Island Podcast í um áratug. Fréttablaðið/Stefán Þór Matthew Workman er bandarískur fyrrverandi sjónvarpsfréttamaður frá New York-fylki. Hann hefur haldið úti hlaðvarpsþættinum The Faroe Islands Podcast um Færeyjar í næstum 10 ár og er búinn að gera 300 þætti um landið. Mörg hundruð þúsund hlusta á þáttinn, alls staðar að úr heiminum, og hefur hann unnið til verðlauna fyrir þáttinn. Áhugi hans á Færeyjum kviknaði fyrir algera tilviljun en Matthew hélt úti bloggsíðu og einn daginn sá hann að Færeyingur hafði lesið bloggið. Blaðamaður hitti þennan merkilega, og að hans sögn léttgeggjaða, mann á G! Festival í Færeyjum þangað sem hann mætir á hverju ári og hefur gert í ein níu ár núna. „Fyrir ellefu árum hélt ég úti bloggi sem aðeins vinir og fjölskylda lásu. Stundum skoðaði ég á Google Analytics hvaðan fólk væri sem las bloggið mitt – einn daginn sá ég að einhver las bloggið mitt frá litlum punkti í miðju hafinu. Hvað í fjáranum er þetta? hugsaði ég. Þarna hafði einhver frá Færeyjum lesið bloggið mitt. Fyrir ellefu árum voru ekki miklar upplýsingar um Færeyjar á netinu á ensku – það var Wikipedia-síða og smá annað. En þetta kveikti í ímyndunarafli mínu þannig að ég reyndi að finna eitthvað meira um þetta land – en jafnvel þó að það væri ekki mikið af upplýsingum þá voru ótrúlega margar fallegar myndir af Færeyjum úti um allt. Þar á meðal kirkju sem bara kallaði á mig. Ég fékk flugu í höfuðið – hingað muntu koma einn daginn, það er þitt vandamál að finna út hvernig þú kemur þér hingað en það mun gerast.“ Í samtölum við vini sína var Workman stanslaust að minnast á Færeyjar, land sem enginn þeirra vissi neitt um, og eftir að þeir gerðu grín að honum fyrir það fór hann að skrifa blogg um landið. Í fyrsta blogginu sínu um Færeyjar sagðist hann að sjálfsögðu vera mesti sérfræðingur Bandaríkjanna um eyjurnar og einnig sagðist hann vona að fleiri Færeyingar myndu lesa bloggið – hann viðurkennir að þetta hafi byrjað sem hálfgert grín, þó að honum sé illa við að nota orðið grín, en fljótlega þróaðist þetta út í eitthvað miklu, miklu meira.Úlfur Úlfur var meðal hljómsveita sem lék á hátíðinni í ár.Fréttablaðið/Stefán Þór„Ég var að grínast en á sama tíma var ég mjög alvarlegur. Þetta var smá eins og þegar maður var ungur og var skotinn í stelpu og til að ná athygli hennar kýldi maður hana í höndina. Á hverjum föstudegi skrifaði ég nýja bloggfærslu um Færeyjar – og loksins kom komment einn daginn frá einhverjum í Færeyjum sem þakkaði mér fyrir áhugann á litla landinu sínu. Ég hafði samband við hann og við urðum vinir. Það endaði með því að hann fékk mig til að byrja á Facebook þar sem hann kynnti mig fyrir alls konar færeysku fólki – þar á meðal forsætisráðherranum. Ég var einn af fyrstu vinum hans á Facebook.“ Matthew og færeyski vinur hans ákváðu að gera eitthvað saman og úr varð hlaðvarpsþátturinn The Faroe Islands Podcast sem núna hefur verið í gangi í níu og hálft ár. Matthew hafði aldrei komið til Færeyja en var samt búinn að eignast fjölda vina þaðan og var í bullandi hlaðvarpsgerð um landið. Í þáttunum taka þeir viðtöl við merkilega Færeyinga í gegnum Skype, segja fréttir frá landinu og spila upptökur frá merkilegum viðburðum á eyjunum. Í raun er allt sem gerist í Færeyjum það sem Matthew hefur áhuga á og sérstaklega að vekja tilfinningar hjá hlustendum með hljóðupptökum. „Hugmyndin var að kalla fram tilfinningar hjá hlustendum, láta þeim líða eins og þeir væru staddir í Færeyjum – í dag sé ég að þetta var algjörlega geðbilað enda hafði ég á þessum tímapunkti aldrei komið á staðinn sjálfur.“ Færeyjastofa hringdi í Matthew stuttu eftir þetta og honum var boðið í heimsókn – hann skellti sér til Færeyja í fyrsta skipti og tók upp nokkra þætti í Færeyjum. Síðan þá hefur hann auðvitað haldið þættinum áfram úti og nánast mætt á hverja einustu G! Festival hátíð. Þáttinn og fleiri upplýsingar má nálgast á faroepodcast.com. Birtist í Fréttablaðinu Færeyjar Norðurlönd Tónlist Tengdar fréttir G! Festival í Færeyjum í blússandi gangi G! Festival er stærsta tónlistarhátíðin í Færeyjum en hún fer fram um þessar mundir. Útsendari Lífsins er á svæðinu og fylgist vel með því sem fram fer. Úlfur Úlfur spilar fyrir Íslands hönd í ár. 13. júlí 2018 06:00 Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Sjá meira
Matthew Workman er bandarískur fyrrverandi sjónvarpsfréttamaður frá New York-fylki. Hann hefur haldið úti hlaðvarpsþættinum The Faroe Islands Podcast um Færeyjar í næstum 10 ár og er búinn að gera 300 þætti um landið. Mörg hundruð þúsund hlusta á þáttinn, alls staðar að úr heiminum, og hefur hann unnið til verðlauna fyrir þáttinn. Áhugi hans á Færeyjum kviknaði fyrir algera tilviljun en Matthew hélt úti bloggsíðu og einn daginn sá hann að Færeyingur hafði lesið bloggið. Blaðamaður hitti þennan merkilega, og að hans sögn léttgeggjaða, mann á G! Festival í Færeyjum þangað sem hann mætir á hverju ári og hefur gert í ein níu ár núna. „Fyrir ellefu árum hélt ég úti bloggi sem aðeins vinir og fjölskylda lásu. Stundum skoðaði ég á Google Analytics hvaðan fólk væri sem las bloggið mitt – einn daginn sá ég að einhver las bloggið mitt frá litlum punkti í miðju hafinu. Hvað í fjáranum er þetta? hugsaði ég. Þarna hafði einhver frá Færeyjum lesið bloggið mitt. Fyrir ellefu árum voru ekki miklar upplýsingar um Færeyjar á netinu á ensku – það var Wikipedia-síða og smá annað. En þetta kveikti í ímyndunarafli mínu þannig að ég reyndi að finna eitthvað meira um þetta land – en jafnvel þó að það væri ekki mikið af upplýsingum þá voru ótrúlega margar fallegar myndir af Færeyjum úti um allt. Þar á meðal kirkju sem bara kallaði á mig. Ég fékk flugu í höfuðið – hingað muntu koma einn daginn, það er þitt vandamál að finna út hvernig þú kemur þér hingað en það mun gerast.“ Í samtölum við vini sína var Workman stanslaust að minnast á Færeyjar, land sem enginn þeirra vissi neitt um, og eftir að þeir gerðu grín að honum fyrir það fór hann að skrifa blogg um landið. Í fyrsta blogginu sínu um Færeyjar sagðist hann að sjálfsögðu vera mesti sérfræðingur Bandaríkjanna um eyjurnar og einnig sagðist hann vona að fleiri Færeyingar myndu lesa bloggið – hann viðurkennir að þetta hafi byrjað sem hálfgert grín, þó að honum sé illa við að nota orðið grín, en fljótlega þróaðist þetta út í eitthvað miklu, miklu meira.Úlfur Úlfur var meðal hljómsveita sem lék á hátíðinni í ár.Fréttablaðið/Stefán Þór„Ég var að grínast en á sama tíma var ég mjög alvarlegur. Þetta var smá eins og þegar maður var ungur og var skotinn í stelpu og til að ná athygli hennar kýldi maður hana í höndina. Á hverjum föstudegi skrifaði ég nýja bloggfærslu um Færeyjar – og loksins kom komment einn daginn frá einhverjum í Færeyjum sem þakkaði mér fyrir áhugann á litla landinu sínu. Ég hafði samband við hann og við urðum vinir. Það endaði með því að hann fékk mig til að byrja á Facebook þar sem hann kynnti mig fyrir alls konar færeysku fólki – þar á meðal forsætisráðherranum. Ég var einn af fyrstu vinum hans á Facebook.“ Matthew og færeyski vinur hans ákváðu að gera eitthvað saman og úr varð hlaðvarpsþátturinn The Faroe Islands Podcast sem núna hefur verið í gangi í níu og hálft ár. Matthew hafði aldrei komið til Færeyja en var samt búinn að eignast fjölda vina þaðan og var í bullandi hlaðvarpsgerð um landið. Í þáttunum taka þeir viðtöl við merkilega Færeyinga í gegnum Skype, segja fréttir frá landinu og spila upptökur frá merkilegum viðburðum á eyjunum. Í raun er allt sem gerist í Færeyjum það sem Matthew hefur áhuga á og sérstaklega að vekja tilfinningar hjá hlustendum með hljóðupptökum. „Hugmyndin var að kalla fram tilfinningar hjá hlustendum, láta þeim líða eins og þeir væru staddir í Færeyjum – í dag sé ég að þetta var algjörlega geðbilað enda hafði ég á þessum tímapunkti aldrei komið á staðinn sjálfur.“ Færeyjastofa hringdi í Matthew stuttu eftir þetta og honum var boðið í heimsókn – hann skellti sér til Færeyja í fyrsta skipti og tók upp nokkra þætti í Færeyjum. Síðan þá hefur hann auðvitað haldið þættinum áfram úti og nánast mætt á hverja einustu G! Festival hátíð. Þáttinn og fleiri upplýsingar má nálgast á faroepodcast.com.
Birtist í Fréttablaðinu Færeyjar Norðurlönd Tónlist Tengdar fréttir G! Festival í Færeyjum í blússandi gangi G! Festival er stærsta tónlistarhátíðin í Færeyjum en hún fer fram um þessar mundir. Útsendari Lífsins er á svæðinu og fylgist vel með því sem fram fer. Úlfur Úlfur spilar fyrir Íslands hönd í ár. 13. júlí 2018 06:00 Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Aldrei litið betur út þrátt fyrir alvarlegt slys Lífið Ísland með auga fuglsins Lífið Ein lausn er að liggja hlið við hlið og fróa sér Lífið „Það er alveg hægt að vinna rifrildið, en þá tapar sambandið“ Makamál „Við munum ekki eldast saman“ Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Janet Jackson biðst afsökunar á undarlegum ummælum „Það eru komnir þrír mánuðir síðan pabbi minn sá fram á það að geta ekki lifað lengur“ Myndasyrpa úr Bakgarðshlaupinu Ísland með auga fuglsins Var talin vera hommi og lögð í einelti Krakkatían: Dýrin, heimsálfur og teiknimyndir Geggjað heimatilbúið „Twix“ Fréttatía vikunnar: Hollywood stjörnur, þjóðarréttir og pólitík Eignaðist alvöru pungsa með alvöru pungsa Hyggjast halda breytta Söngvakeppni á næsta ári Aldrei litið betur út þrátt fyrir alvarlegt slys Einfalt og frísklegt útlit fyrir hlaupið Borðar það sem alltaf hefur verið til og léttist og léttist „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Sjá meira
G! Festival í Færeyjum í blússandi gangi G! Festival er stærsta tónlistarhátíðin í Færeyjum en hún fer fram um þessar mundir. Útsendari Lífsins er á svæðinu og fylgist vel með því sem fram fer. Úlfur Úlfur spilar fyrir Íslands hönd í ár. 13. júlí 2018 06:00