Heldur upp á afmælið með plötuútgáfu

Rapparinn og Íslandsvinurinn Young Thug er 27 ára gamall í dag. Í tilefni þess mun hann gefa út plötuna Slime Language klukkan 00:00 í kvöld.

Young Thug steig fram á sjónarsviðið árið 2014 og hefur síðan þá verið einn fremsti rappari samtímans. Hann nýtur hann mikillar virðingar í rappheiminum fyrir frumlegan stíl í bæði tónlist sinni sem og í klæðaburði.

Óhætt er að segja að hann sé virkilega afkastamikill en á fjórum árum hefur hann gefið út um það bil fimmtán plötur eða „mixteip.“

Mikil spenna ríkir í rappheiminum fyrir þessari útgáfu kappans en hann gaf út stutta smáskífu í byrjun Apríl. Kanadíska stórstjarnan Drake er hér fullur eftirvæntingar á Instagram síðu sinni.

 

Alexa play “Slime Language”

A post shared by champagnepapi (@champagnepapi) on Aug 15, 2018 at 3:16pm PDT

Young Thug nýtur mikilla vinsælda hérlendis og kom hann fram á eftirminnilegum tónleikum útvarpsþáttarins Kronik í Laugardalshöllinni síðasta sumar.

Platan er gefin út í gegnum útgáfufyrirtæki kappans, Young Stoner Lifestyle, og mun hún innihalda 15 lög. Hér að neðan má sjá bæði laga- og gestalista plötunnar.

 

On my BIRTHDAY

A post shared by SEX!! (@thuggerthugger1) on Aug 14, 2018 at 7:35pm PDT