Viðskipti innlent

Copley í stjórn Steinhoff

Ritstjórn Markaðarins skrifar
Paul Copley í Kastljósinu.
Paul Copley í Kastljósinu. RÚV
Paul Copley, forstjóri Kaupþings, mun hafa nóg fyrir stafni á næstunni en hann var í liðinni viku skipaður í stjórn Steinhoff, suðurafríska smásölurisans sem hefur riðað til falls á undanförnum mánuðum vegna bókhaldshneykslis. 

Copley, sem tók við starfi forstjóra Kaupþings í apríl 2016, er sérfræðingur í endurskipulagningu fyrirtækja og var meðal annars einn af lykilmönnum í skiptum á slitabúi Lehman Brothers í Bretlandi, en gjaldþrot bankans er stærsta gjaldþrot fjármálasögunnar. 

Hans bíður það vandasama verk að endurheimta tiltrú fjárfesta á suðurafríska félaginu en félagið hefur fallið um 95 prósent í virði eftir að efasemdir vöknuðu um bókhald þess.

 

Eggert Þór Kristófersson, forstjóri N1.vísir/valli
Líklegt að Eggert hreppi hnossið

Afar líklegt er talið að Eggert Þór Kristófersson, sem hefur gegnt starfi forstjóra N1 frá byrjun árs 2015, verði ráðinn forstjóri sameinaðs félags N1 og Festar. N1 tekur við rekstri smásölukeðjunnar, sem rekur meðal annars verslanir undir merkjum Krónunnar og ELKO, í byrjun næsta mánaðar og verður í kjölfarið boðað til hluthafafundar þar sem kjörin verður stjórn sameinaðs félags.

Eitt fyrsta verk Eggerts Þórs verður að selja þrjár bensínstöðvar Dælunnar, eins og Samkeppniseftirlitið gerði kröfu um, en að sögn kunnugra er þó nokkur áhugi á að kaupa stöðvarnar sem hafa skilað góðri afkomu.

 

Grímur Sæmundsen, forstjóri Bláa lónsins
Bláa lónið brátt það verðmætasta

Líkur eru á því að Bláa lónið verði brátt verð- mætasta ferða- þjónustufyrirtæki landsins. Fyrir ári var markaðsvirði félagsins um 38 milljarðar króna en til samanburðar var virði Icelandair Group á sama tíma næstum tvöfalt hærra.

Virði flugfélagsins er hins vegar nú komið í 44 milljarða á meðan telja má líklegt að virði Bláa lónsins sé meira en 40 milljarðar en afkoma félagsins, sem Grímur Sæmundsen stýrir, hefur haldið áfram að batna undanfarið.

 

Birtist í Fréttablaðinu Markaðir


Mest lesið


Fleiri fréttir

Sjá meira


×

Mest lesið