Vann 3,6 milljónir í Víkingalottói

Heppinn miðahafi á Íslandi vann 3,6 milljónir króna í útdrætti kvöldsins í Víkingalottói. Fyrsti vinningur gekk ekki út að þessu sinni.

Á heimasíðu Íslenskrar getspár segir að tveir Danir hafi verið með annan vinning og fær hvor rúmlega 16,6 milljónir króna í sinn hlut.

„Einn var með hinn al-íslenska 3. vinning og fær viðkomandi rúmlega 3.6 milljónir króna í sinn hlut, en miðinn góði var keyptur á lotto.is.

Þrír voru 4 réttar Jókertölur í réttri röð og fær hver þeirra 100.000 kr. í vinning, en miðarnir voru keyptir í Olís, Höfn Hornafirði, Aðal-Braut, Grindavík og á lotto.is,“ segir í fréttinni.