Heimurinn bregst börnum á átakasvæðum Heimsljós kynnir 28. desember 2018 15:00 Sebastian Rich/UNICEF Framtíð milljóna barna í stríðshrjáðum löndum er í hættu því vopnaðar sveitir skirrast ekki við að fremja alvarleg brot gegn börnum án þess að gerendur séu dregnir til ábyrgðar, segir í fréttatilkynningu Barnahjálpar Sameinuðu þjóðanna (UNICEF) sem birt var í morgun. „Börn á átakasvæðum um heim allan hafa haldið áfram að þjást vegna ógurlegs ofbeldis síðustu tólf mánuði og heimurinn heldur áfram að bregðast börnum,“ segir Manuel Fontaine, yfirmaður bráðaaðgerða hjá UNICEF. Hann segir að stríðsaðilar hafi alltof lengi komist upp með grimmdarverk, nánast því refsilaust, og ástandið versni stöðugt. „Miklu meira er hægt að gera og verður að gera til þess að vernda og styðja börn,“ segir hann. Börn í stríðshrjáðum löndum hafa lent í beinum árásum, þau hafa verið notuð sem mennskir skildir, þau hafa verið drepin, þeim nauðgað eða þau hafa verið neydd til að berjast. Nauðganir, þvingunarhjónabönd og brottnám hafa einkennt átökin í Sýrlandi, Jemen, Lýðstjórnarlýðveldinu Kongó, Nígeríu, Suður-Súdan og Mjanmar. Í tilkynningu UNICEF er minnt á að Barnasáttmáli Sameinuðu þjóðanna verði 30 ára á næsta ári og eins verði þá 70 ár liðin frá því skrifað var undir Genfarsáttmálann. „Þrátt fyrir þessa sáttmála eiga fleiri þjóðir en nokkru sinni fyrr á síðustu þremur áratugum í átökum innan lands eða utan. Börn sem búa við átök eru þeir einstaklingar sem síst njóta réttar. Árásum á börn verður að linna,“ segir Fontaine. Í fréttatilkynningunni er að finna yfirlit yfir helstu átakasvæði í heiminum.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið Stúlkan sem fór í sjóinn er látin Innlent Beinaber gísl látinn grafa eigin gröf á Gasa Erlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Fagna afmæli virkjunar sem sökkti sveitajörðum en rafvæddi síldarbæ Innlent Kvenfólkið í Eyjum bjargaði deginum Innlent Stúlka í sjóinn við Reynisfjöru Innlent Aldrei upplifað annað eins: „Það eru öll stígvél á þessari eyju uppseld“ Innlent Að bugast á hálf nöktum ferðamönnum og beita sektum Erlent „Varla gangfær“ og „skulfu eins og hríslur“ Innlent
Framtíð milljóna barna í stríðshrjáðum löndum er í hættu því vopnaðar sveitir skirrast ekki við að fremja alvarleg brot gegn börnum án þess að gerendur séu dregnir til ábyrgðar, segir í fréttatilkynningu Barnahjálpar Sameinuðu þjóðanna (UNICEF) sem birt var í morgun. „Börn á átakasvæðum um heim allan hafa haldið áfram að þjást vegna ógurlegs ofbeldis síðustu tólf mánuði og heimurinn heldur áfram að bregðast börnum,“ segir Manuel Fontaine, yfirmaður bráðaaðgerða hjá UNICEF. Hann segir að stríðsaðilar hafi alltof lengi komist upp með grimmdarverk, nánast því refsilaust, og ástandið versni stöðugt. „Miklu meira er hægt að gera og verður að gera til þess að vernda og styðja börn,“ segir hann. Börn í stríðshrjáðum löndum hafa lent í beinum árásum, þau hafa verið notuð sem mennskir skildir, þau hafa verið drepin, þeim nauðgað eða þau hafa verið neydd til að berjast. Nauðganir, þvingunarhjónabönd og brottnám hafa einkennt átökin í Sýrlandi, Jemen, Lýðstjórnarlýðveldinu Kongó, Nígeríu, Suður-Súdan og Mjanmar. Í tilkynningu UNICEF er minnt á að Barnasáttmáli Sameinuðu þjóðanna verði 30 ára á næsta ári og eins verði þá 70 ár liðin frá því skrifað var undir Genfarsáttmálann. „Þrátt fyrir þessa sáttmála eiga fleiri þjóðir en nokkru sinni fyrr á síðustu þremur áratugum í átökum innan lands eða utan. Börn sem búa við átök eru þeir einstaklingar sem síst njóta réttar. Árásum á börn verður að linna,“ segir Fontaine. Í fréttatilkynningunni er að finna yfirlit yfir helstu átakasvæði í heiminum.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið Stúlkan sem fór í sjóinn er látin Innlent Beinaber gísl látinn grafa eigin gröf á Gasa Erlent Grunaður um að myrða heila fjölskyldu en skilja ungabarnið eftir á lífi Erlent Landsvirkjun sé ekki „löngu búin að semja“ við alla landeigendur Innlent Fagna afmæli virkjunar sem sökkti sveitajörðum en rafvæddi síldarbæ Innlent Kvenfólkið í Eyjum bjargaði deginum Innlent Stúlka í sjóinn við Reynisfjöru Innlent Aldrei upplifað annað eins: „Það eru öll stígvél á þessari eyju uppseld“ Innlent Að bugast á hálf nöktum ferðamönnum og beita sektum Erlent „Varla gangfær“ og „skulfu eins og hríslur“ Innlent