Konan sem leitað var að í Skaftafelli fannst heil á húfi um klukkan hálf eitt í nótt. Það voru björgunarsveitarmenn sem gengur fram á konuna utan alfaraleiðar og utan slóða. Óskað var eftir því að þyrla Landhelgisgæslunnar myndi sækja konuna og koma henni að þjónustu miðstöðinni í Skaftafelli.
Að minnsta kosti 100 björgunarsveitarmenn tóku þátt í aðgerðum í kvöld og þá var búið að óska eftir aðstoð björgunarsveita frá höfuðborgarsvæðinu í vestri og að Vopnafirði í austri. Þá var aðgerðum stýrt af lögreglu frá þjónustumiðstöðinni í Skaftafelli.
Í það heilu höfðu á þriðja hundrað manns verið kallað út til leitar að konunni.
Konan, sem er erlend og á sextugsaldri, var á ferð með fjölskyldu sinni í Skaftafelli þegar hún varð viðskila við hópinn um miðjan dag í gær.
Útkall barst björgunarsveitarfólki á sjöunda tímanum. Voru björgunarsveitarmenn búnir drónum og leitarbúnaði og voru sporhundar notaðir í aðgerðinni.
Þyrla Landhelgisgæslunnar var kölluð út vegna leitarinnar og var fram eftir kvöldi á svæðinu.
Konan sem leitað var að fundin heil á húfi
Tengdar fréttir
Leitað verður eins lengi að konunni og aðstæður leyfa
Mannskapur streymir enn á svæðið.
Þyrlan, hundar og drónar leita að konunni
Auka mannskapur kallaður út vegna leitarinnar í Skaftafelli.
Leit að konu í Skaftafelli: Var á ferð með fjölskyldu sinni
Konan er á sextugsaldri en hún varð viðskila við fjölskyldu sína um miðjan dag.
Björgunarsveitir leita að konu í Skaftafelli
Ekkert hefur spurst til konunnar síðan um miðjan daginn.
