Bein útsending: Fréttir Stöðvar 2

Í kvöldfréttum Stöðvar 2 segjum við frá máli þar sem koma átti í veg fyrir að greiða útlendingi laun fyrir svokallaða prufuvakt hjá þjónustufyrirtæki með því að óska eftir framvísun vegabréfs þegar hann innheimti skuldina. 

Hringormur hefur fundist þrettán sinnum í fólki á Íslandi frá árinu 2004 svo vitað sé til en tilfellin má rekja til þess að snæddur er illa hreinsaður eða lítið eldaður fiskur. Dýrasérfræðingur segir enga þó ástæðu til að óttast að borða fisk.

Við kynnum okkur hvað innviðagjald er sem innheimt er í Reykjavík og heyrum af því að Reykjanesbær hafi tekið fram úr Akureyrarbæ um fjölda íbúa í sveitarfélaginu.

Þá ætlum við að segja frá því að unnið er að því að bregðast við vanda ungs fólks á húsnæðismarkaði. Í kringum 45 prósent ungs fólks á aldrinum 18 til 29 ára búa enn í foreldrahúsum og um tólf hundruð stúdentar eru á biðlista eftir stúdentaíbúðum á höfuðborgarsvæðinu og forstjóri Persónuverndar segir nauðsynlegt að stórefla fræðslu um persónuvernd meðal barna. Stofnunin vill auka fræðslu í grunnskólum og jafnvel í leikskólum.

Og við hittum konu sem lærði að ferða ein. Hún skildi fyrir fjórum árum og ákvað að læra ferðast ein. Hún segir að breyta þurfi umræðunni um einveru, því hún sé ekki tabú. 

Þetta og meira til í kvöldfréttum Stöðvar 2, sem verða í beinni útsendingu og opinni dagskrá í sjónvarpi og á Vísi sem og á Bylgjunni klukkan 18:30.