Skemmtibátur dreginn í höfn í Kópavogi

Tveir voru um borð í skemmtibát þegar mótorinn hætti að virka á siglingu í Kópavogi um þrjúleytið. Óskað var eftir aðstoð Landhelgisgæslunnar sem sendi bát sinn Óðinn auk þess sem Hjálparsveit skáta í Kópavogi sendi bát til móts við skemmtibátinn.

Samkvæmt upplýsingum frá Landhelgisgæslunni var ákveðið að óska eftir aðstoð björgunarsveitarinnar þar sem talið var að liðsmenn hennar gætu komist fyrr á vettvang. Úr varð að báðir bátarnir mættu á svipuðum tíma. Bátarnir voru rétt ókomnir í land um hálf fjögurleytið.