Ný plata frá KÁ/AKÁ: "Var kominn með svona nett ógeð“

Rapparinn Halldór Kristinn Harðarson einnig þekktur undir listamannsnafninu KÁ/AKÁ sendi um helgina frá sér nýja plötu á en hún er unnin í samstarfi með þeim Helga Sæmundi úr Úlfur Úlfur og Birni Val.

Halldór segir að þegar hann hafi byrjað á plötunni í desember á síðasta ári hafi hann hugsað um það hvort hann ætti að hætta í tónlist.

„Ég var kominn með svona nett ógeð og það var einhver dofi í manni, en ég hugsaði að ég myndi keyra á þetta og bara hafa gaman af þessu, það var svona meginmarkmiðið. Það held ég bara tókst og mér þykir mjög vænt um þessa plötu,“ segir Halldór í samtali við miðilinn Kaffið.

Hér að neðan má hlusta á plötuna í heild sinni í gegnum streymisveituna Spotify.