Vorannáll Guðmundur Brynjólfsson skrifar 27. maí 2019 08:00 Eyrarbakka skip er ókomið og hef ég því fátt tíðinda. Veit þó að fjársýkin hefur gert marga sauðlausa á Jótlandi. Annars hefur verið umhleypingasamt þar ytra en hlýtt. Fregnaði þetta af kríum sem komu hér í síðustu viku. Fékk með sömu sendiboðum tilboð um að taka við Sóreyjarháskóla. Þáði en fer líklega hvergi. Bíð eftir bréfi um annað. En vona lítið því bréfritari hefur lengi verið aflvana í hægri armi. Hér fyrir austan var vetur góður, en nokkuð hríðasamt nyrðra fram yfir venju og kalt. Af Austurlandi engar fréttir. Sumrar ágætlega á Eyrarbakka. Selatekja ærin. Vertíð góð. Drykkjuskapur tempraður. Fregnað hefi ég útkjálkamælingu í Reykjavík. Þar er því fram haldið af bæjarstjórninni að götur eyðist um of og verslun sé á röngum stöðum. Þessu hefur verið andæft og hafa yfirsetukonur og hómópatar, ærlegir læknar og portkonur lýst yfir áhyggjum því þetta fólk vill gjarna halda sínu striki til starfa. Hafa sumir gengið svo langt að fullyrða að vegir séu grundvöllurinn eini vilji bæjarfélög kaupstaðarrétt hafa, frekar en einungis höndlunarleyfi. Mun þetta í rannsókn. Mál var uppi í höfuðstaðnum, hafði kerling ein verið skotin í vetur að ófyrirsynju til bana, og var helst fyrir hafður Rúnar nokkur Zívertsen, Sæmundar Zívertsen hattara. Guðmundur djákn skoðaði hana og vottaði dauða. Vóru gefnir fátækum af henni skórnir. Annað var ekki hægt að hirða nema hvað bæjarsjóður tók úr henni tönnurnar og hafði fyrir mulning í götur, til styrkingar. Að þessu sögðu er ljóst að lítt er að stóla á skipaferðir en jafnljóst að réttast er að koma sér upp teinæringi til Reykjavíkurferða. Viltu birta grein á Vísi? Sendu okkur póst. Senda grein Birtist í Fréttablaðinu Guðmundur Brynjólfsson Mest lesið Hin dásamlega sturlun: Umræðan á Íslandi Davíð Bergmann Skoðun Við getum öll bjargað lífi Kristófer Kristófersson Skoðun Opið bréf til innviðaráðherra Eyjólfur Þorkelsson Skoðun Fyrir hvern erum við að byggja? Jóhanna Dýrunn Jónsdóttir Skoðun Það er heldur betur vitlaust gefið á Íslandi Jónas Yngvi Ásgrímsson Skoðun Finnst ykkur þetta í lagi? Opinn pistill til heilbrigðisráðherra, landlæknis og forystu heilbrigðiskerfisins Steindór Þórarinsson Skoðun „Hristir í stoðum“ RÚV? Hermann Stefánsson Skoðun Að bera harm sinn í hljóði Gunnhildur Ólafsdóttir Skoðun Tímamót í velferðarmálum: Nýtt örorkulífeyriskerfi tekur gildi Guðmundur Ingi Guðbrandsson Skoðun Hugleiðing um rauð epli og skynjun veruleikans Gauti Páll Jónsson Skoðun
Eyrarbakka skip er ókomið og hef ég því fátt tíðinda. Veit þó að fjársýkin hefur gert marga sauðlausa á Jótlandi. Annars hefur verið umhleypingasamt þar ytra en hlýtt. Fregnaði þetta af kríum sem komu hér í síðustu viku. Fékk með sömu sendiboðum tilboð um að taka við Sóreyjarháskóla. Þáði en fer líklega hvergi. Bíð eftir bréfi um annað. En vona lítið því bréfritari hefur lengi verið aflvana í hægri armi. Hér fyrir austan var vetur góður, en nokkuð hríðasamt nyrðra fram yfir venju og kalt. Af Austurlandi engar fréttir. Sumrar ágætlega á Eyrarbakka. Selatekja ærin. Vertíð góð. Drykkjuskapur tempraður. Fregnað hefi ég útkjálkamælingu í Reykjavík. Þar er því fram haldið af bæjarstjórninni að götur eyðist um of og verslun sé á röngum stöðum. Þessu hefur verið andæft og hafa yfirsetukonur og hómópatar, ærlegir læknar og portkonur lýst yfir áhyggjum því þetta fólk vill gjarna halda sínu striki til starfa. Hafa sumir gengið svo langt að fullyrða að vegir séu grundvöllurinn eini vilji bæjarfélög kaupstaðarrétt hafa, frekar en einungis höndlunarleyfi. Mun þetta í rannsókn. Mál var uppi í höfuðstaðnum, hafði kerling ein verið skotin í vetur að ófyrirsynju til bana, og var helst fyrir hafður Rúnar nokkur Zívertsen, Sæmundar Zívertsen hattara. Guðmundur djákn skoðaði hana og vottaði dauða. Vóru gefnir fátækum af henni skórnir. Annað var ekki hægt að hirða nema hvað bæjarsjóður tók úr henni tönnurnar og hafði fyrir mulning í götur, til styrkingar. Að þessu sögðu er ljóst að lítt er að stóla á skipaferðir en jafnljóst að réttast er að koma sér upp teinæringi til Reykjavíkurferða.
Finnst ykkur þetta í lagi? Opinn pistill til heilbrigðisráðherra, landlæknis og forystu heilbrigðiskerfisins Steindór Þórarinsson Skoðun
Tímamót í velferðarmálum: Nýtt örorkulífeyriskerfi tekur gildi Guðmundur Ingi Guðbrandsson Skoðun
Finnst ykkur þetta í lagi? Opinn pistill til heilbrigðisráðherra, landlæknis og forystu heilbrigðiskerfisins Steindór Þórarinsson Skoðun
Tímamót í velferðarmálum: Nýtt örorkulífeyriskerfi tekur gildi Guðmundur Ingi Guðbrandsson Skoðun