Game Tíví stefna beint á holu í Everybody's Golf VR

Dustin Johnson, Inbee Park, Rory McIlroy, Michelle Wie, Tiger Woods, Ólafía Þórunn, Tryggvi Haraldur og Ólafur Þór Jóelsson. Þeir tveir síðastnefndu passa kannski ekki snuðrulaust inn í hóp hinna mögnuðu kylfinga sem áður voru taldir upp.

Hins vegar yrði fróðlegt að vita hvort atvinnukylfingarnir eigi roð í þá Game Tíví bræður í sýndarveruleikatölvuleiknum Everybody‘s Golf VR. Tryggi Haraldur fékk það hlutverk að halda á VR tölvusprotanum enda er hann með vel lága forgjöf, 5.

Eitt er ljóst að Tryggva leist ekkert á nándina en honum fannst Óli vera kominn full nálægt eftir að hann hafði slegið.

Náði Tryggvi að spila á pari? Sjón er sögu ríkari og myndbandið má sjá hér að neðan.