Bein út­sending: Fyrsti leikur ís­lenska lands­liðsins á heims­meistara­mótinu í Overwatch

Fyrsti leikur landsliðs Íslands í tölvuleiknum Overwatch hefst klukkan fimm í dag að íslenskum tíma. Fylgjast má með beinu streymi af leiknum, sem er á móti landsliði Írlands, í spilaranum hér neðst í fréttinni.

Heimsmeistaramótið í Overwatch fer nú fram í Los Angeles í Bandaríkjunum. Ungu mennirnir í landsliðinu tryggðu sér þátttökurétt á mótinu með því að vinna Evrópumótið í síðasta mánuði.

Í landsliði Íslands í Overwatch eru þeir Arnaldur Ingi Stefánsson (Futhark), Finnbjörn Jónasson (Finnsi), Hafþór Hákonarson (Hafficool), Hilmar Þór Heiðarsson (SteelDragons), Kristófer Númi Valgeirsson (Númi), Sindri Már Gunnarsson (Sindri) og Snorri Hafsteinsson (SnorrLaxZ).

Beri íslenska liðið sigur úr býtum í kvöld mætir það liði Bretlands í undanúrslitum. Hægt verður að fylgjast með leikjum á mótinu í beinni útsendingu á netinu. Þá verður sýnt beint frá leiknum í kvöld í Bíó Paradís.

Watch live video from OverwatchContenders on www.twitch.tv