Toblerone-jólaterta

Nú styttist í hátíðarnar og er kökusnillingurinn Eva Laufey auðvitað byrjuð að gefa hugmyndir af girnilegum uppskriftum. Þessi terta er frábær á veisluborðið en einnig dásamlegur helgarbakstur svo það er algjör óþarfi að bíða fram að jólum með að prófa hana. 

Toblerone marengsterta

Fyrir 8 til 10

Botnar:

• 4 eggjahvítur
• 2 dl púðursykur
• 2 dl sykur

Aðferð:

1. Stillið ofn á 110°C.
2. Setjið bökunarpappír á ofnplötu eða bökunarpappír í botninn
   
   á tveimur eða þremur 22 cm lausbotna formum og smyrjið hliðarnar með smjöri.
3. Þeytið eggjahvíturnar og bætið sykri saman við í smáum skömmtum.

Stífþeytið þar til blandan hreyfist ekki til í skálinni sé henni hvolft.

Skiptið marengsblöndunni á bökunarpappírinn eða í formin og bakið í 1 ½ klst við 110°C.

 

Toblerone kremið góða

• 500ml rjómi
• 2 eggjarauður
• 4 tsk flórsykur
• 1 tsk vanillusykur eða dropar
• 150 g Toblerone, smátt saxað

Aðferð:  

1. Þeytið eggjarauður og flórsykur saman þar til eggjablandan verður ljós og létt.
2. Þeytið rjóma og bætið eggjablöndunni varlega saman við rjómann með sleif ásamt vanillu.
3. Í lokin fer smátt saxað súkkulaði út í rjómablönduna.
4. Setjið kremið á milli botnanna og ofan á. Skreytið kökuna með ferskum berjum og nokkrum súkkulaðibitum.
   
   

Fleiri uppskriftir frá Evu Laufey má finna á síðunni hennar og hér á Vísi.