Mundi ekki neitt á sviðinu og varð að redda sér

Miss Universe Iceland 2020 fer fram í Hljómahöllinni í Reykjanesbæ 21. ágúst og verður keppnin í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe en ekki hefur verið staðfest hvar eða hvenær sú keppni fer fram. Næstu vikur verður kynning á keppendum hér á Vísi.

Mirjam Yrsa Friðleifsdóttir er 25 ára dansari.

„Ég útskrifaðist síðasta sumar úr drauma dansskólanum mínum í New York, The Alvin Ailey School. Það skemmtilegasta sem ég geri í frítíma mínum er að dansa, stunda líkamsrækt og vera með vinum og fjölskyldu,“ segir Mirjam.

Morgunmaturinn?

Prótein pönnukökur

Helsta freistingin?

Súkkulaði!

Hvað ertu að hlusta á?

Podcastið Þarf alltaf að vera grín?

Hvað sástu síðast í bíó?

The High Note

Hvaða bók er á náttborðinu?

Engin í augnablikinu

Hver er þín fyrirmynd?

Á svo margar fyrirmyndir en mamma og pabbi eru alltaf númer eitt hjá mér! Annars fer það eftir því hverju það tengist, í dansinum er það Misty Copeland.

Hvað ætlarðu að gera í sumarfríinu?

Ferðast um landið, njóta sumarsins með fjölskyldu og vinum og vera dugleg að æfa.

Uppáhaldsmatur?

Sushi og Sniglar

Uppáhaldsdrykkur?

Vatn og hvítur Monster

Hver er frægasta persóna sem þú hefur hitt?

Þegar ég bjó í New York og var að labba heim eitt kvöldið og hitti Asap Rocky, hann stoppaði mig og spjallaði aðeins við mig. Ákveðinn skellur að síminn minn var dauður vegna kulda þannig að ég náði ekki að taka mynd af okkur saman haha

Hvað hræðistu mest?

Leðurblökur

Neyðarlegasta atvik sem þú hefur lent í?

Á öðru ári úti í dansnáminu var ég búin að vera að æfa solo sem ég átti að sýna fyrir framan mjög strangan skólastjóra og aðra stjórnendur skólans. Þegar ég var búin með fyrsta sporið fékk ég algjört blackout og þurfti að spinna á staðnum allan dansinn. Þetta er það óþægilegasta sem ég hef lent í og mjög svekkjandi þar sem ég var vel undirbúin.

Hverju ertu stoltust af?

Að hafa komist inn í drauma dansháskólann minn í New York og útskrifast

Hefurðu einhvern leyndan hæfileika?

Get hreyft eyrun

Hundar eða kettir?

Hundar er hrædd við ketti

Hvað er það leiðinlegasta sem þú gerir?

Að gera ekki neitt

En það skemmtilegasta?

Að dansa ballett, vera með fjölskyldu og vinum og æfa Crossfit

Hverju vonastu til að Miss Universe skili þér?

Ég elska að skora á sjálfa mig og fara út fyrir þægindarammann. Kynnast yndislegu fólki og auka sjálfstraustið.

Hvar sérðu þig eftir 5 ár?

Hamingjusamur dansara og vonandi flugmaður líka.