Átján aðilar sóttu um starf sveitarstjóra Borgarbyggðar sem auglýst var í desember. Gunnlaugi Júlíussyni var sagt upp störfum sem sveitarstjóri í nóvember eftir þriggja ára starf.
Umsóknarfrestur rann út þann 28. desember og drógu þrír umsókn sína til baka áður en listi yfir umsækjendur var birtur. Tólf karlar og þrjár konur sækjast eftir starfinu.
Á vef Borgarbyggðar kemur fram að verið sé að fara yfir umsóknir og í framhaldinu verður ákveðir hverjir verða boðaðir í viðtal. Fyrirtækið Intellecta annast ráðningarferlið í samstarfi við sveitarstjórn.
Þórólfur Árnason, fyrrverandi forstjóri Samgöngustofu og borgarstjóri í Reykjavík, er meðal umsækjenda. Þórólfur fékk ekki framlengingu í starfi hjá Samgöngustofu á síðasta ári og var ósáttur með þá niðurstöðu. Kallaði hann eftir rökstuðningi frá samgönguráðuneytinu en hefur til þessa ekki viljað tjá sig um hana við Vísi.
Umsækjendur um starfið eru í stafrófsröð:
Aðalsteinn Júlíus Magnússon, Framkvæmdastjóri
Árni Hjörleifsson, Oddviti
Ásgeir Sæmundsson, Rafvirki
Bjarni Ó Halldórsson, Rekstrarhagfræðingur
Einar Örn Thorlacius, Lögfræðingur
Eva Hlín Alfreðsdóttir, Verkefnastjóri
Eyjólfur Vilberg Gunnarsson, Forstöðumaður
Guðni Halldórsson, Framkvæmdastjóri
Hafdís Vala Freysdóttir, Forstöðumaður
Jón Fannar Guðmundsson, Sérfræðingur
Ólafur Kjartansson, Viðskiptastjóri
Sæmundur Ásgeirsson, Verkstjóri
Þorsteinn Valur Baldvinsson, Jarðvinnuverkstjóri
Þórdís Sif Sigurðardóttir, Sviðsstjóri
Þórólfur Árnason, Verkfræðingur
