Bein útsending: Hádegisfréttir Bylgjunnar

Heldur fleiri greindust með kórónuveiruna síðast liðinn sólarhring en undanfarna daga, eða ellefu. Meirihluti þeirra voru ekki í sóttkví eða átta. Sóttvarnalæknir segir vísbendingar um að smitstuðullinn sé að fara upp á við á ný.

Ekkert ferðaveður verður á vesturhelmingi landsins í dag vegna suðvestan storms. Formaður Landsbjargar segir grafalvarlegt að þyrla Landhelgisgæslunnar sé ekki til taks við slíkar aðstæður.

Tilkynningum til barnaverndarnefnda hefur fjölgað um 14% milli ára á landsvísu. Nýjar deildir borgarinnar sinna eingöngu börnum af erlendum uppruna og börnum sem hafa orðið fyrir ofbeldi.

Þetta og fleira til í hádegisfréttum Bylgjunnar á slaginu tólf.