Bein útsending: Ísland keppir við Rússland, Austurríki, Pólland og Ísrael

Íslenska landsliðið í e-fótbolta leikur í undankeppni EM í Pro Evolution Soccer tölvuleiknum í dag. Fyrsti leikur er við Rússa kl. 16, liðið mætir Austurríki kl. 18, Póllandi kl. 19 og loks Ísrael kl. 20. 

Íslenska liðið skipa fyrirliðinn Aron Ívarsson úr KR, Aron Þormar Lárusson úr Fylki og Jóhann Ólafur Jóhannsson úr FH. Hver viðureign samanstendur af tveimur 10 mínútna leikjum á milli einstaklinga.

Í viðtali við Vísi fyrr í dag útskýrði Aron hvernig liði verður stillt upp í dag og hvers vegna: Ísland í undankeppni EM í efótbolta í dag: Viðar og Arnór byrja frammi

Allir leikir Íslands í dag verða í beinni útsendingu á Stöð 2 eSport og hér á Vísi. Fyrsti leikur hefst kl. 16.

Spilað er á mánudögum í undankeppninni og hóf Ísland leik fyrir tveimur vikum. Þá voru spilaðir fjórir leikir sem töpuðust allir. 

Hægt er að kynna sér stöðuna og leikjadagskránna nánar á heimasíðu UEFA. Hér fyrir neðan má sjá stöðuna fyrir leikina í dag.