Bein útsending: Einar Ágúst og félagar á Dillon

Meðal þeirra tónleika sem eru í boði í kvöld í beinni útsendingu eru tónleikar Einars Ágústs og félaga á Dillon.

Einar Ágúst mætir þar með vini sína með sér og þeir ætla að halda uppi stuðinu fyrir fólkið heima frá klukkan 21 og áfram til miðnættis.

Með Einari spila í kvöld þeir Gísli Guðmundsson gítarleikari, Gunnar Leó trommari og Baldur Kristjánsson bassaleikari.

Streymið byrjar um klukkan 21 og verður streymt á Facebook-síðum Dillon og Secret Solstice. Þeir sem vilja biðja um óskalög geta freistað gæfunnar með því að taka þátt í spjallinu við útsendinguna á Facebook.