Boða til upplýsingafundar vegna eldgossins

Fram kemur í tilkynningu frá almannavörnum um fundinn nú á þriðja tímanum í nótt að þegar staðfest var að gos væri hafið hefði almannavarnastig á landinu verið fært á neyðarstig. Samhæfingastöð og aðgerðarstjórn á Suðurnesjum hafi verið virkjaðar.

Þá hafi tilkynningar borist frá viðbragðsaðilum á svæðinu um illa búið fólk á gangi í átt að gosstöðvunum. Almannavarnir hverja fólk eindregið til að halda sig fjarri svæðinu á meðan vísindafólk metur stöðuna. Svæðið geti verið hættulegt, bæði vegna gasmengunar og 

Þá er drónaflug bannað yfir gossvæðinu til hádegis 20. mars. Vegna vísindaflugs gæti þurft að stöðva flug og drónaflug með stuttum fyrirvara næstu daga.

Jafnframt má búast við gasmengun í Þorlákshöfn í kvöld og nótt, að sögn almannavarna. Fólk er beðið að halda sig inni og loka gluggum. 

„Hætta getur skapast í lægðum í landslagi fyrir þá sem fara nærri gosstöðvum og því er fólki bent á að vera ekki á svæðinu. Upp úr miðnætti fóru vísindamenn inn á svæðið til að mæla gasmengun og vænta má niðurstöðu frá þeim í nótt.“

Fréttin hefur verið uppfærð eftir að fundinum var frestað til klukkan 14.