Lifnar yfir veiðinni í Hraunsfirði

Vatnið getur verið einstaklega gjöfult og í því er sjóbleikja sem oftar en ekki er stærri en hefðbundin vatnableikja í meðalstærðum. Það er ekki óalgengt að landa 4-5 punda bleikjum í vatninu en heilt yfir eru stærðir 2-3 pund það sem oftast lendir í háfnum. 

Tómas Skúlason var við veiðar í vatninu nýlega og eins og myndin ber með sér gekk veiðin vel og bleikjurnar sem liggja á bakkanum eins fallegar og þeir verða. Alls setti hann og veiðifélagi hans í 14 fiska og lönduðu 7. Þeir sem eru forvitnir um hvað bleikjan er að taka ættu að skreppa í kaffi til Tomma í Veiðiportinu, hann á klárlega það sem hún tók í flugubakkanum í búðinni.