Góður gangur í Eystri Rangá

Það er búið að vera erfitt við ánna í þessum hlýindum sem hafa verið að leika við landsmenn þar sem snjóbráð hefur litað ánna og gert hana illveiðanlega og skollitaða. Áinn náði þó að hreinsa sig í gær og það var við manninn mælt, veiðin tók góðan kipp og veiðimenn voru varir við laxa á flestum svæðum. 

Heildarveiði gærdagsins var 18 laxar á land sem er frábær veiði á þessum tíma og gefur góð fyrirheit um veiðina í Eystri Rangá í sumar sem byrjar yfirleitt að fá sterkar göngur um miðjan júlí og alveg fram í september lok, stundum fram í október. Heildarveiðin er komin í 80 laxa í Eystri og mest af því flottur tveggja ára lax. Þess má geta að einn af löxum gærdagsins var 101 sm lax sem við bíðum spennt eftir að sjá á mynd.