Innlent

Allir vinir í Viðreisn

Tryggvi Páll Tryggvason skrifar
Þorgerður Katrín Gunnarsdóttir, núverandi formaður Viðreisnar, tók við af Benedikt Jóhannessyni árið 2017.
Þorgerður Katrín Gunnarsdóttir, núverandi formaður Viðreisnar, tók við af Benedikt Jóhannessyni árið 2017. Viðreisn

Benedikt Jóhannesson, einn af stofnendum Viðreisnar, mun áfram starfa með flokknum eftir að samkomulag náðist um að Málfundafélagið Endurreisn, þar sem hann gegnir formennsku, myndi ganga inn í Viðreisn.

Í vor var greint frá því að Benedikt myndi ekki taka sæti á lista Viðreisnar í komandi alþingiskosninum. Uppstillingarnefnd bauð Benedikt, sem sóttist eftir að leiða einhvern lista flokksins á suðvesturhorninu, að taka neðsta sæti.

Síðar sagði Benedikt sig úr framkvæmdastjórn flokksins. Uppi voru orðrómar að Benedikt ætlaði sér að stofna nýjan flokk en í samtali við Vísi í júní síðastliðnum útilokaði hann það ekki.

Hafi þær fyrirætlanir verið á dagskrá eru þær úr sögunni nú en í yfirlýsingu sem Benedikt setti inn á Facebook-síðu hans kemur fram að samkomulag hafi náðst að Benedikt muni starfa áfram innnan flokksins.

Þar kemur fram að fyrir skömmu hafi verið stofnað málfundafélagið Endurreisn sem berjist „fyrir heiðarleika, góðum stjórnarháttum, drenglyndi í stjórnmálum, frelsi, jafnrétti, stöðugu efnahagslífi og réttlæti.“ Formaður Endurreisnar var kjörinn Benedikt.

„Nú hefur náðst samkomulag um að Endurreisn verði félag innan Viðreisnar, horft sé fram á veginn og allir félagar berjist innan Viðreisnar fyrir hugsjónum flokksins.“

Þá hafi stjórn Viðreisnar nýverið samþykkt tillögur sem snúa að breytingum á reglum um innra starf flokksins.

Tillögurnar snúist um að bæta innra starf Viðreisnar og felist meðal annars í því að prófkjör verði meginregla um val á efstu sætum lista flokksins. Tillaga um slíkt mun koma til umræðu á komandi landsþingi.

Ánægð með að samkomulag hafi náðst

Þorgerður Katrín Gunnarsdóttir, formaður Viðreisnar, lýsir ánægju með niðurstöðuna, að því er fram kemur í yfirlýsingunni.

„Ég er ánægð með að samkomulag hafi náðst og þá sérstaklega með að Benedikt muni áfram starfa með flokknum enda öflugur liðsmaður. Við höfum sameiginlega sýn á það hvernig gera má íslenskt samfélag betra og ég hef fulla trú á því að saman eigum við eftir að gera flokkinn sterkari.“

Og Benedikt virðist einnig vera ánægður:

„Nú skiptir máli að snúa bökum saman og berjast saman fyrir nauðsynlegum grundvallarbreytingum á íslensku samfélagi en áherslumál Viðreisnar hafa aldrei verið eins mikilvæg fyrir þjóðina og einmitt núna.

Alþingiskosningar 2021 Viðreisn

Tengdar fréttir

Ný könnun MMR og Moggans: Níu flokkar á þingi og ríkisstjórnin félli

Ríkisstjórnin nýtur stuðnings meirihluta þjóðarinnar en næði ekki meirihluta á Alþingi í haust ef marka má nýja könnun MMR fyrir Morgunblaðið. Níu flokkar ná fólki á þing. Fylgi flokka dreifist það mikið að þrír flokkar gætu ekki náð meirihluta þingmanna og myndað meirihlutastjórn.

Segist vona að eigin hagsmunir Benedikts blindi honum ekki sýn

„Það hefur hryggt mig meira en orð fá lýst að Benedikt Jóhannesson, sem ég hef talið góðan félaga og vin, hafi valið þá leið að gera forystu og stofnanir flokksins tortryggilegar í kjölfar þess að hann fékk ekki vilja sínum framgengt við uppstillingar á lista.“

Rök upp­stillingar­nefndarinnar komu á ó­vart

Sara Dögg Svanhildardóttir bæjarfulltrúi Garðabæjarlistans fékk ekki 3. sæti á lista Viðreisnar í Suðvesturkjördæmi eftir að hafa gefið kost á sér til þess. Sara Dögg, sem hefur verið virk í innra starfi Viðreisnar frá stofnun flokksins, segir ákvörðun uppstillingarnefndarinnar vera vonbrigði og rökin fyrir henni hafi komið á óvart.

Bene­dikt segist ekki hafa af­þakkað 2. sætið

Benedikt Jóhannessyni, fyrrverandi formanni Viðreisnar og stofnanda flokksins, var boðið annað sæti á lista flokksins í Reykjavík fyrir komandi Alþingiskosningar. Honum hafði einnig verið boðið neðsta sætið á listanum, svokallað heiðurssæti, sem hann afþakkaði og er hann ekki á framboðslista fyrir flokkinn.

Benedikt vildi efsta sætið en var boðið það neðsta

Benedikt Jóhannesson, einn stofnenda og fyrrverandi formaður Viðreisnar, mun ekki taka sæti á lista flokksins fyrir komandi Alþingiskosningar. Uppstillingarnefnd bauð Benedikt, sem sóttist eftir að leiða einhvern lista flokksins á suðvesturhorninu, að taka neðsta sæti.

Mest lesið


Fleiri fréttir

Sjá meira


×

Mest lesið