Hörður með gott stórlaxasumar

Sumir hafa þó af einhverjum ástæðum þá gjöf, hæfni og lagni til að fá fleiri stórlaxa en aðrir og einn af þeim er Hörður Birgir Hafsteinsson en hann hefur handleikið nokkra stórlaxa og rígvæna sjóbirtinga í sumar bæði sem veiðimaður og leiðsögumaður.

Það var nú síðast í Sandá í Þistilfirði sem Hörður landaði stórlaxi sem mældist 98,5 cm langur og sá veiddist í Ólafshyl og fluguna White Wing númer 14 en sú er afar skæð síðsumarsfluga. Það er ekki langt síðan Hörður landaði 95 sm hæng í Elliðaánum en sá var búinn að sýna sig margoft og veiðimenn sem höfðu kastað flugu á hann í Árbæjarhyl en ekki haft erindi sem erfiði. Þetta er stærsti laxinn úr Elliðaánum í sumar. 

Þetta er þó ekki allt upptalið því við veiðileiðsögn í Húseyjarkvísl hefur hann sjálfur sett í og landað stórum löxum og leiðbeint öðrum veiðimönnum í stóra laxa og sjóbirtinga. Sumir veiðimenn eru bara "með'edda", það er bara þannig.