Sandra markahæst í tapi

Gestirnir voru sterkari aðilinn allt frá upphafi leiks og leiddu með fimm marka mun í hálfleik, staðan þá 9-14. 

Í þeim síðari var það sama upp á teningnum og þó sóknarleikur heimakvenna hafi verið skárri lauk leiknum með öruggum sigri gestanna í SønderjyskE, 22-28 lokatölur leiksins.

Sandra Erlingsdóttir fór þó mikinn í liði Álaborgar og var markahæst í liði sínu með sjö mörk. Það dugði því miður ekki til þess að næla í stig í kvöld.

Álaborg er því í 5. sæti með þrjá sigra og þrjú töp að loknum sex leikjum.