Jólagjafatíðin er svo sannarlega hafin í allri sinni dýrð, þó sitt sýnist hverjum um hversu mikil dýrð er yfir henni blessaðri. Þetta er tíminn sem við förum í gegnum alla gjafalistana, óskalistana, og guð má vita hvað-listana.
Þegar kemur að gjöf handa ástinni vilja flestir hitta í mark. Ef þeir þá nenna, eins og segir í laginu.
Sumir eru í essinu sínu þegar velja á gjafir, pæla mikið, skoða mikið og hitta yfirleitt í mark. Á sama tíma geta gjafakaup verið mikill hausverkur fyrir aðra. Lítill tími, mikil pressa og hræðslan við að kaupa ekki „réttu“ gjöfina.
Einhver pör eða hjón hafa reglur eða hefðir þegar kemur að jólagjöf til hvors annars.
Sum pör kaupa sér eitthvað sameiginlegt, önnur miða jafnvel við einhverja ákveðna upphæð og einhver gætu ákveðið að gefa alltaf einhverja upplifun. Allur gangur á þessu.
Hvernig svo sem það er þá vilja flestir slá í gegn með jólagjöfinni, gleðja makann sinn.
Spurning vikunnar er sprottin út frá þeim hugleiðingum hvort að pressan, sem getur verið til staðar, við það að hitta í mark sé jafnvel að valda meiri áhyggjum eða gleði.
Könnunin er kynjaskipt og beint til allra þeirra sem eru í ástarsambandi.
Karlar svara hér:
Konur svara hér:
Makamál hafa síðustu tvö ár spurt lesendur Vísis vikulega um þeirra skoðanir og viðhorf varðandi málefni tengd ástinni, samböndum, tilfinningum og kynlífi.
Fyrir áhugasama er hægt að nálgast allar fyrri Spurningar vikunnar og niðurstöður hér.
