Bein útsending: Hádegisfréttir Bylgjunnar

Áhrifa aftakaveðurs gætir enn á landinu sunnan- og vestanverðu og vegum er víða lokað. Gríðarlegt fannfergi í Eyjum gerir íbúum lífið leitt. 

Þá fjöllum við um úrslit sameiningarkosninga í gær en sveitarstjóri Eyja- og Miklaholtshrepps segir það vonbrigði að íbúar hafi hafnað sameiningu. 

Og meira af málefnum sveitarfélaga en reiknað er með að íbúum á Selfossi fjölgi um fimmtán prósent á árinu. Bæjarstjóri vonar þó að fjölgunin verði ekki svo mikil. Þá tökum við einnig til umfjöllunar víðtækt salmonellusmit í Evrópu, sem Evrópusambandið rannsakar nú.