Selfoss og KA í undanúrslit bikarsins

Tvö úrvalsdeildareinvígi fóru fram í bikarkeppninni í dag þar sem Selfyssingar fengu nágranna sína í ÍBV í heimsókn í Suðurlandsslag á meðan KA-menn tóku á móti Haukum nyrðra.

Selfyssingar höfðu yfirhöndina í Suðurlandsslagnum nær allan leikinn en Eyjamenn gerðu áhlaup seint í síðari hálfleik og var útlit fyrir spennandi lokamínútur.

Þá stigu Selfyssingar hins vegar aftur á bensíngjöfinga og unnu að lokum fimm marka sigur, 33-28.

Á Akureyri höfðu heimamenn í KA frumkvæðið nær allan leikinn og unnu tveggja marka sigur á Haukum, 28-26, eftir að hafa leitt með fjórum mörkum í leikhléi.

Nánar verður fjallað um leik KA og Hauka á Vísi síðar í kvöld.