Lærisveinar Aðalsteins úr leik eftir grátlegt tap

Kadetten og Witerthur sitja í fyrsta og öðru sæti svissnesku deildarinnar og því var við því að búast að leikurinn yrði jafn og spennandi. Gestirnir í Kadetten reyndust þó sterkari aðilinn í fyrri hálfleik og liðið hafði fjögurra marka forskot þegar gengið var til búningsherbergja í stöðunni 10-14.

Heimamenn í Winterthur létu það þó ekki slá sig út af laginu og liðið saxaði jafnt og þétt á forskot gestanna. Þeir náðu að jafna leikinn þegar um fimm mínútur voru til leiksloka og unnu svo að lokum nauman tveggja marka sigur, 25-23, og tryggðu sér um leið sæti í úrslitum.