Flýgur frá ástarpungunum á Akureyri í leiki með Eyjamönnum Sindri Sverrisson skrifar 28. apríl 2022 08:01 Fannar Þór Friðgeirsson þarf að rífa sig upp um miðjar nætur til að sinna rekstri Bakarísins við brúna á Akureyri. Það kemur ekki í veg fyrir að hann spili með ÍBV. Er hægt að baka brauð og snúða á nóttunni á Akureyri og spila svo handbolta daginn eftir með ÍBV í Vestmannaeyjum? Það er nokkurn veginn það sem Fannar Þór Friðgeirsson gerir nú þegar úrslitakeppnin í Olís-deildinni nálgast suðupunkt. Eyjamenn enduðu í 3. sæti Olís-deildarinnar í vor en höfðu ítrekað bakað sér vandræði með vörn sinni og markvörslu. Raunar fékk ekkert lið í deildinni á sig eins mörg mörk á tímabilinu. Þjálfarinn Erlingur Richardsson greip því tækifærið þegar það gafst óvænt í lok mars, til að fá jafnöflugan leikmann og Fannar aftur í sitt lið. Gallinn var sá að Fannar hafði reyndar ekki snert handbolta í tæpt ár, var fluttur frá Vestmannaeyjum til Akureyrar og tekinn við rekstri Bakarísins við brúna ásamt Katrínu Andrésdóttur konu sinni. Vissi af gömlu skónum í Eyjum En Fannar var til í tuskið: „Við vorum búin að stefna lengi að því að taka frí og fara í heimsókn til Eyja, og komum þarna rétt fyrir leik við Hauka [27. mars]. Ég var ekkert að hugsa um þetta þá eða búinn að ræða nokkurn skapaðan hlut við ÍBV. Ég vissi þó að ég ætti gamla skó þarna uppi í hillu í húsinu, og hugsaði með mér að það væri gaman að kíkja á eina æfingu, aðallega til að fá að hanga með strákunum inni í klefa eftir æfinguna. Það gekk svona vel að Erlingur þjálfari spurði hvort ég gæti ekki mætt líka á æfingu daginn eftir,“ segir Fannar, sem er fyrrverandi landsliðsmaður og atvinnumaður í Þýskalandi. Hlutirnir þróuðust svo þannig að Fannar samþykkti á endanum að vera í leikmannahópnum gegn Haukum þessa sömu helgi, og í kjölfarið var hann svo fenginn til að vera með ÍBV í síðustu leikjum deildarkeppninnar og í úrslitakeppninni sem nú stendur yfir. Fannar Þór Friðgeirsson hafði leikið með ÍBV í þrjú ár áður en hann lagði skóna á hilluna síðasta sumar. Nú er hann mættur aftur í slaginn.vísir/vilhelm Hafði varla horft á handbolta í vetur Fannar flýgur því frá Akureyri í leiki með Eyjaliðinu en tekur aftur á móti nánast engan þátt í æfingum liðsins: „Ég sagði þeim að ég gæti verið með eins og tíminn leyfði,“ segir Fannar sem hoppaði til að mynda beint inn í byrjunarliðið fyrir fyrsta leik ÍBV í úrslitakeppninni í síðustu viku, án þess að ná æfingu fyrir leikinn. ÍBV bakaði þá Stjörnuna, 36-27, og fylgdi því svo eftir með 25-22 útisigri sem kom liðinu áfram í undanúrslitin. „Það kom mér ótrúlega á óvart sjálfum hvað þetta hefur gengið vel. Ég hafði í raun ekkert æft, ekki einu sinni í World Class, og eiginlega ekki einu sinni horft á handbolta í vetur,“ segir Fannar sem vissi þó auðvitað vel að hverju hann gengi hjá ÍBV: „Já, já. Þessi þrjú ár sem maður var í Vestmannaeyjum spilaði maður meira og minna allan tímann. Maður hefur ekki gleymt neinu. Vinnureglurnar eru ekkert breyttar og maður labbaði því eiginlega beint inn í hlutina. Í vörninni er líka ekkert möst að æfa hlutina mikið. Þetta er bara vinna – spurning um að nenna þessu,“ segir Fannar. „Kári var svolítið pirraður út í mig“ Segja má að hann sé mættur „beint í eftirréttinn“, sjálfa úrslitakeppnina án þess að hafa tekið þátt í streði undirbúningstímabilsins og vetursins. Liðsfélagarnir voru mishrifnir af því: „Kári Kristján [Kristjánsson] var svolítið pirraður út í mig. Að vera búinn að vera í ellefu mánaða pásu, ekkert að æfa heldur bara í bakaríinu, í ástarpungum og kaffibolla alla daga, og mæta svo bara beint í það skemmtilegasta. Engir þrekhringir, útihlaup og eitthvað vesen,“ segir Fannar léttur. Fannar Þór Friðgeirsson hefur unnið alla titla sem eru í boði á Íslandi, meðal annars bikarmeistaratitil með ÍBV.vísir/bára Auðveldara að segja nei við KA Þar sem að Fannar er búsettur á Akureyri hefði kannski legið beinast við að hann spilaði frekar með KA vildi hann halda áfram í handbolta, en það stóð einfaldlega ekki til: „KA-menn voru mjög áhugasamir og höfðu oft samband, sérstaklega Sverre [Jakobsson] og Heimir [Örn Árnason]. Ég spilaði með Sverre úti í Þýskalandi og Heimi í Val þegar ég var ungur, og strákarnir okkar Heimis eru meira að segja saman í bekk. En ég gaf þeim afgerandi svar í janúar því ég var bara alveg hættur í handbolta. Ég hef engan tíma í þetta. Það var kannski auðveldara að segja nei við KA því ég hef enga tengingu við KA og var bara hættur. Ekkert vesen. En þegar vinirnir í Vestmannaeyjum biðja fallega og eru tilbúnir að leggja ýmislegt á sig til að fá mann í leiki, búsettan eins mikið hinu megin á landinu og hægt er, þá þykir manni mjög vænt um það og er stoltur af því,“ segir Fannar. Hann hefði gjarnan viljað mæta KA í undanúrslitunum, ekki síst til að geta fengið far í leiki, en mætir þess í stað Haukum og reiknar með að mæta áfram beint í leiki án þess að ná æfingum. ÍBV byrjar undanúrslitin á leik við Hauka í Hafnarfirði á sunnudaginn og í ljósi sögunnar má búast við að heitt verði í kolunum. Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði. Olís-deild karla ÍBV Akureyri Vestmannaeyjar Bakarí Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Sjáðu ótrúlega vörslu Raya og öll mörkin úr Meistaradeildinni Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn Viðurkennir að hafa sleppt því að spjalda Messi til að fá treyjuna hans Fótbolti Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira
Eyjamenn enduðu í 3. sæti Olís-deildarinnar í vor en höfðu ítrekað bakað sér vandræði með vörn sinni og markvörslu. Raunar fékk ekkert lið í deildinni á sig eins mörg mörk á tímabilinu. Þjálfarinn Erlingur Richardsson greip því tækifærið þegar það gafst óvænt í lok mars, til að fá jafnöflugan leikmann og Fannar aftur í sitt lið. Gallinn var sá að Fannar hafði reyndar ekki snert handbolta í tæpt ár, var fluttur frá Vestmannaeyjum til Akureyrar og tekinn við rekstri Bakarísins við brúna ásamt Katrínu Andrésdóttur konu sinni. Vissi af gömlu skónum í Eyjum En Fannar var til í tuskið: „Við vorum búin að stefna lengi að því að taka frí og fara í heimsókn til Eyja, og komum þarna rétt fyrir leik við Hauka [27. mars]. Ég var ekkert að hugsa um þetta þá eða búinn að ræða nokkurn skapaðan hlut við ÍBV. Ég vissi þó að ég ætti gamla skó þarna uppi í hillu í húsinu, og hugsaði með mér að það væri gaman að kíkja á eina æfingu, aðallega til að fá að hanga með strákunum inni í klefa eftir æfinguna. Það gekk svona vel að Erlingur þjálfari spurði hvort ég gæti ekki mætt líka á æfingu daginn eftir,“ segir Fannar, sem er fyrrverandi landsliðsmaður og atvinnumaður í Þýskalandi. Hlutirnir þróuðust svo þannig að Fannar samþykkti á endanum að vera í leikmannahópnum gegn Haukum þessa sömu helgi, og í kjölfarið var hann svo fenginn til að vera með ÍBV í síðustu leikjum deildarkeppninnar og í úrslitakeppninni sem nú stendur yfir. Fannar Þór Friðgeirsson hafði leikið með ÍBV í þrjú ár áður en hann lagði skóna á hilluna síðasta sumar. Nú er hann mættur aftur í slaginn.vísir/vilhelm Hafði varla horft á handbolta í vetur Fannar flýgur því frá Akureyri í leiki með Eyjaliðinu en tekur aftur á móti nánast engan þátt í æfingum liðsins: „Ég sagði þeim að ég gæti verið með eins og tíminn leyfði,“ segir Fannar sem hoppaði til að mynda beint inn í byrjunarliðið fyrir fyrsta leik ÍBV í úrslitakeppninni í síðustu viku, án þess að ná æfingu fyrir leikinn. ÍBV bakaði þá Stjörnuna, 36-27, og fylgdi því svo eftir með 25-22 útisigri sem kom liðinu áfram í undanúrslitin. „Það kom mér ótrúlega á óvart sjálfum hvað þetta hefur gengið vel. Ég hafði í raun ekkert æft, ekki einu sinni í World Class, og eiginlega ekki einu sinni horft á handbolta í vetur,“ segir Fannar sem vissi þó auðvitað vel að hverju hann gengi hjá ÍBV: „Já, já. Þessi þrjú ár sem maður var í Vestmannaeyjum spilaði maður meira og minna allan tímann. Maður hefur ekki gleymt neinu. Vinnureglurnar eru ekkert breyttar og maður labbaði því eiginlega beint inn í hlutina. Í vörninni er líka ekkert möst að æfa hlutina mikið. Þetta er bara vinna – spurning um að nenna þessu,“ segir Fannar. „Kári var svolítið pirraður út í mig“ Segja má að hann sé mættur „beint í eftirréttinn“, sjálfa úrslitakeppnina án þess að hafa tekið þátt í streði undirbúningstímabilsins og vetursins. Liðsfélagarnir voru mishrifnir af því: „Kári Kristján [Kristjánsson] var svolítið pirraður út í mig. Að vera búinn að vera í ellefu mánaða pásu, ekkert að æfa heldur bara í bakaríinu, í ástarpungum og kaffibolla alla daga, og mæta svo bara beint í það skemmtilegasta. Engir þrekhringir, útihlaup og eitthvað vesen,“ segir Fannar léttur. Fannar Þór Friðgeirsson hefur unnið alla titla sem eru í boði á Íslandi, meðal annars bikarmeistaratitil með ÍBV.vísir/bára Auðveldara að segja nei við KA Þar sem að Fannar er búsettur á Akureyri hefði kannski legið beinast við að hann spilaði frekar með KA vildi hann halda áfram í handbolta, en það stóð einfaldlega ekki til: „KA-menn voru mjög áhugasamir og höfðu oft samband, sérstaklega Sverre [Jakobsson] og Heimir [Örn Árnason]. Ég spilaði með Sverre úti í Þýskalandi og Heimi í Val þegar ég var ungur, og strákarnir okkar Heimis eru meira að segja saman í bekk. En ég gaf þeim afgerandi svar í janúar því ég var bara alveg hættur í handbolta. Ég hef engan tíma í þetta. Það var kannski auðveldara að segja nei við KA því ég hef enga tengingu við KA og var bara hættur. Ekkert vesen. En þegar vinirnir í Vestmannaeyjum biðja fallega og eru tilbúnir að leggja ýmislegt á sig til að fá mann í leiki, búsettan eins mikið hinu megin á landinu og hægt er, þá þykir manni mjög vænt um það og er stoltur af því,“ segir Fannar. Hann hefði gjarnan viljað mæta KA í undanúrslitunum, ekki síst til að geta fengið far í leiki, en mætir þess í stað Haukum og reiknar með að mæta áfram beint í leiki án þess að ná æfingum. ÍBV byrjar undanúrslitin á leik við Hauka í Hafnarfirði á sunnudaginn og í ljósi sögunnar má búast við að heitt verði í kolunum. Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.
Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.
Olís-deild karla ÍBV Akureyri Vestmannaeyjar Bakarí Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Víkingar spila á Íslandi í dagsbirtu Fótbolti „Ein besta markvarsla sem ég hef séð“ Fótbolti Segir Leipzig hinn fullkomna áfangastað fyrir unga og efnilega leikmenn Fótbolti Slæm byrjun Vals hélt áfram í Garðabænum Handbolti Sjáðu ótrúlega vörslu Raya og öll mörkin úr Meistaradeildinni Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn Viðurkennir að hafa sleppt því að spjalda Messi til að fá treyjuna hans Fótbolti Fleiri fréttir Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Sjá meira